اتباسار تۇرمەسىندە قىزمەتتەن بوساعان 11 ادام كاسىبي مىندەتتەرىن تولىق بىلمەگەن - جانات ەشماعامبەتوۆ
«مەن ولاردىڭ ارەكەتتەرى زاڭسىز ەكەنىنە سەنىمدىمىن. بەينەۇندەۋگە قاراعاندا، ءوزىڭىز دە كورگەن شىعارسىز، ولار وزدەرىن جۇمىستان بوساتىپ، قىلمىستىق جاۋاپكەرشىلىككە تارتۋىن ادىلەتسىز شەشىم شىعارىلعان دەپ ەسەپتەيدى.
اتالعان وقيعاداعى 11 قىزمەتكەر تۋرالى ايتساق، ءيا، ولار ارنايى قۇرالداردى ناقتى قاي كەزدە قولدانۋ كەرەكتىگىن بىلمەگەن. وسىعان بايلانىستى قىلمىستىق-اتقارۋ دەپارتامەنتىنىڭ باسشىسى دەڭگەيىندە قاتاڭ شارا قولدانىلىپ وتىر»، - دەدى كوميتەت باسشىسى.
جانات ەشماعامبەتوۆ بىلىكسىز قىزمەتكەرلەردىڭ جۇيەدە جۇمىس ىستەۋى مەكەمە مەن وبلىستىق دەڭگەيدەگى باسشىلاردىڭ كەمشىلىگى ەكەنىن ايتادى.
«بۇل مەكەمەدە جەكە قۇرامدى، اسىرەسە، سوتتالۋشىلارعا قاتىگەزدىك تانىتۋدىڭ الدىن الۋ باعىتىندا جۇرگىزىلگەن كاسىبي دايارلاۋ جۇمىستارىنىڭ ءبارى ءوز دەڭگەيىندە بولماعان. بۇل وسى مەكەمەنىڭ باسشىسى مەن وبلىستىق دەپارتامەنت باسشىسىنىڭ كەمشىلىگى.
ءبىز وزگە مەكەمەلەردىڭ، وبلىستىق دەپارتامەنتتەر وكىلدەرىنىڭ پىكىرىن ۇدايى تىڭداپ وتىرامىز. ءبىزدىڭ قىزمەتكەرلەردىڭ ءبارى، بۇكىل جەردەگى ۇجىمدار ازاپتاۋ تۋرالى بەينەجازباداعى جاعدايعا قاتتى نارازى»، - دەدى ول.
ەسكە سالساق، اقمولا وبلىسىنىڭ اتباسار تۇرمەسىندەگى سوتتالعاندارعا قاتىستى كۇش قولدانۋ دەرەگى بويىنشا پروكۋراتۋرا سوتقا دەيىنگى تەرگەۋدى باستاعانىن جازعان ەدىك.
كەيىن وسى وقيعاعا بايلانىستى امولا وبلىستىق قىلمىستىق-اتقارۋ جۇيەسى دەپارتامەنتىنىڭ باستىعى قىزمەتىنەن شەتتەتىلدى.
