22:40, 22 - تامىز 2023 | GMT +6
قىتايدا شاحتاداعى جارىلىستان 11 ادام قازا تاپتى
بەيجىڭ. قازاقپارات - قىتايدىڭ سولتۇستىك-باتىسىنداعى شانشي پروۆينتسياسىندا كومىر شاحتاسىندا بولعان جارىلىستان 11 ادام قازا تاپتى.
بۇل تۋرالى سەيسەنبىدە قىتاي ورتالىق تەلەارناسى مالىمدەدى، دەپ حابارلايدى قازاقپارات ءتىلشىسى.
وقيعا دۇيسەنبى كۇنى كەشكىسىن شانشي پروۆينتسياسى يانان قالاسىنا جاقىن ماڭداعى كومىر شاحتاسىندا بولعان. جەرگىلىكتى ب ا ق- تىڭ جازۋىنشا، ت ج كەزىندە جەر استىندا 90 ادام بولعان. 81 ادام جەر بەتىنە شىققان، توعىزى ءۇيىندى استىندا قالىپ قويعان.
22- تامىزداعى جاعداي بويىنشا، جەر استىندا قالعان توعىز ادام قازا تاپقان. بۇعان دەيىن كوتەرىلگەن ەكى ادام العان جاراقاتىنان كوز جۇمعان. تاعى 11 ادام اۋرۋحانادا جاتىر، ولاردىڭ ومىرىنە ەش قاۋىپ ءتونىپ تۇرعان جوق.
اپات بولعان جەردە ت ج ءمان-جايى تەكسەرىلىپ جاتىر.
