تۇركىستاندىق 11 بالاسى بار انا اتاۋلى كومەك الۋدان باس تارتتى

استانا. قازاقپارات - تۇركىستان وبلىسىنداعى بىرتىلەك اۋىلدىق وكرۋگى اققورعان ەلدى مەكەنىنىڭ تۇرعىنى، كوپبالالى انا اتاۋلى الەۋمەتتىك كومەك الۋدان باس تارتتى، دەپ حابارلادى turkystan.kz.

11 بالاسى بار باتىر انا ايماقتاعى شەندىلەرگە ەگىن ەگىپ، ءوز كاسىبىن دوڭگەلەتۋگە، ول ءۇشىن كونكۋرس ارقىلى جەر الۋعا دەگەن نيەتى بارىن جەتكىزدى.

«قۇرمەتتى اكىم مىرزا! «اۋىل اماناتى» باعدارلاماسىنا ااك الۋشىلار دا قاتىسا الادى دەپ ەستىدىم. ماعان ااك- ءتىڭ كەرەگى جوق. ودان دا وسى باعدارلامامەن 2 گەكتار جەر الىپ، ەگىن ەگۋدى قولعا الماقپىن. اللاعا شۇكىر، 10 قىزىم، 1 ۇلىم بار. ءوز-ءوزىمدى باعىپ كەتەمىن»، - دەدى باتىر انا.

ال ايماق باسشىسى دارحان ساتىبالدى «اۋىل اماناتى» باعدارلاماسىن جۇزەگە اسىرۋ بويىنشا باتىر انانى كووپەراتيۆكە مۇشە ەتىپ كىرگىزىپ، جەرگىلىكتى اكىمدىك ارقىلى جەردى پايدالانۋعا بەرۋگە بولاتىنىن ايتتى.

«ءوزىڭىز وڭدەيسىز. قاجەت بولسا سىزگە %2,5 نەسيە دە بەرە الامىز»، - دەدى وبلىس اكىمى.