بيىل جەتىسۋ وبلىسىندا 11 سپورت نىسانى قايتا ىسكە قوسىلادى
وبلىستىق قۇرىلىس باسقارماسىنىڭ مالىمەتىنە سۇيەنسەك، وسى جىلى الاكول اۋدانىنىڭ لەپسى، دوستىق اۋىلدارىندا، تەكەلى قالاسىندا دەنە شىنىقتىرۋ- ساۋىقتىرۋ كەشەندەرى، سارىوزەك اۋىلى مەن سارقان قالاسىندا ستاديون، الاكول اۋدانىنىڭ بەسكول، پانفيلوۆ اۋدانىنىڭ ۇلكەن شىعان، پەنجىم اۋىلدارىندا سپورت كەشەندەرى، شانحاناي، باسشي اۋىلىندارىندا كۇرەس زالدارى، تالدىقورعان قالاسىندا ورتالىق ستاديون قايتا جاڭارتۋدان وتكىزىلىپ، حالىقتىڭ يگىلىگىنە بەرىلۋى ءتيىس. وسى رەتتە بەسكول اۋىلىنداعى سپورت كەشەنى مەن باسشى اۋىلىنداعى كۇرەس زالى قولدانىسقا بەرىلگەن.
«ال جۋىردا سارقان اۋدانى قويلىق اۋىلىنداعى ستاديون دا رەسمي تۇردە قايتا اشىلدى. جاڭا كەلبەتكە يە بولعان ورتالىق ستاديوندا قازىر جاساندى گازونى بار فۋتبول الاڭى، جۇگىرۋگە ارنالعان رەزەڭكە جولاق توسەلگەن. سپورت الاڭىنىڭ كولەمى - 5800 شارشىم مەتر. ونى قايتا جاڭعىرتۋعا جەرگىلىكتى بيۋدجەتتەن 47 ميلليون تەڭگە بولىنگەن»، - دەلىنگەن جەتىسۋ وبلىسى اكىمىنىڭ باسپا ءسوز قىزمەتىنىڭ حابارلاماسىندا.
جالپى جەتىسۋ وبلىسىندا دەنە شىنىقتىرۋ جانە سپورتپەن اينالىسۋعا لايىقتالعان 1715 نىسان بار. سول سياقتى وڭىردە 262568 ادام سپورتپەن شۇعىلدانادى. بۇل - وبلىس حالقىنىڭ 37,6 پايىزى.
