15:57, 03 - تامىز 2023 | GMT +5
شايبالى حوككەيدەن ەل بىرىنشىلىگىندە 11 كوماندا سىنعا تۇسەدى
استانا. قازاقپارات - شايبالى حوككەيدەن الداعى ماۋسىمدا قازاقستان بىرىنشىلىگىندە 11 كوماندا سىنعا تۇسەتىن بولدى، دەپ حابارلايدى قازاقپارات ءتىلشىسى.

الداعى ماۋسىمدا ەل بىرىنشىلىگىندە «اقتوبە»، «الماتى»، «ارلان» (كوكشەتاۋ)، «بەيبارىس» (اتىراۋ)، «گورنياك» (رۋدنىي)، «ەرتىس» (پاۆلودار)، «كۇلاگەر» (پەتروپاۆل)، «نوماد» (استانا)، «سارىارقا» (قاراعاندى)، «تورپەدو» (وسكەمەن) جانە وزبەكستاندىق «حۋمو» باق سىنايدى. كاماندالار ءۇش كەزەڭ بويىنشا سىنعا تۇسەدى.
العاشقى كەزەڭدە كوماندالار ءبىر-بىرىمەن ءتورت ويىننان وتكىزدى. ەكەۋى ءوز الاڭىندا بولسا، ەكەۋى سىرتتا بولادى.
ماۋسىمنىڭ العاشقى ويىنى 9- قىركۇيەككە بەلگىلەنگەن.
تۇراقتى كەزەڭ ويىندارى اقپان ايىنا دەيىن سوزىلادى. پلەي-وفف ساتىسى 12- اقپاننان باستالادى.
ەسكە سالساق، بۇدان بۇرىن «بارىستىڭ» قۇرلىقتىق حوككەي ليگاسىنداعى ويىن كەستەسى بەلگىلى بولدى.