پەتروپاۆلدا قىزامىقپەن سىرقاتتانۋ بيىل 11 ەسە ارتتى
سولتۇستىك قازاقستان وبلىسى سانيتاريالىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، پەتروپاۆلدا قىزامىق بويىنشا جاعداي تۇراقسىز، سىرقاتتانۋ سوڭعى 10 ايدا 11 ەسە ارتىپ، 421 جاعداي تىركەلدى. اۋىرعانداردىڭ %98 ى 14 جاسقا دەيىنگى بالالار.
«قىزامىقپەن اۋىرعانداردىڭ جاسىنا توقتالاتىن بولساق، %64 ى 3 پەن 6 جاس ارالىعىنداعى بالالار، %12 ى 2 جاسقا دەيىنگى سابيلەر. كاسىبي قۇرامىنا توقتالار بولساق، %57 مەكتەپكە دەيىنگى مەكەمەلەرگە باراتىندار، %25 - وقۋشىلار جانە %16 ۇيدە وتىرعان بالالار»، - دەيدى پەتروپاۆل قالالىق سانيتاريالىق-ەپيدەميولوگيالىق باقىلاۋ باسقارماسىنىڭ ءبولىم باسشىسى سەرىك اۋساتوۆ.
ماماننىڭ ايتۋىنشا، قىزامىقتىڭ نەگىزگى بەلگىلەرى ينتوكسيكاتسيا، اۋىز جۇتقىنشاقتىڭ زاقىمدانۋى جانە ۇساق بورتپەلەردىڭ پايدا بولۋى. قوزدىرعىشى ا توبىنداعى سترەپتوكوكك، سونىمەن قاتار تاماق اۋرۋى، سوزىلمالى تونزيلليت، رەۆماتيزم جانە باسقا ينفەكسيالاردى تۋدىراتىن سترەپتوكوكك ينفەكتسيالارى. جۇقپالى اۋرۋ سىرقاتتانعان جانە اۋرۋ بەلگىسى جوق ادامنان تارايدى. ناۋقاس اۋرۋدىڭ العاشقى كۇندەرىندە اينالاسىنداعىلار ءۇشىن ەڭ قاۋىپتى، تەك 3 اپتادان كەيىن عانا باسقالارعا جۇقپايدى.
«تەز تارالاتىن اۋرۋ، تاماق جانە لاس قول، ءتىپتى تۇرمىستىق زاتتار ارقىلى دا جۇعۋى مۇمكىن. سىرقاتتانعان ادام ەكىنشى قايتارا اۋىرۋى مۇمكىن. ادەتتە قىزامىقتا دەنە قىزۋى 37 گرادۋستان جوعارىلايدى، تەرى ءبورتىپ، السىزدىك، باس اۋرۋى پايدا بولادى. جۇتۋ كەزىندە تاماق اۋىرادى. اۋرۋدىڭ 4-5 كۇنىندە ءتىل «قىزىل» تۇسكە بويالادى.
قىزامىق اسقىنعان جاعدايدا ءىرىڭدى وتيت، ميوكارديت نەكروتيكالىق ليمفادەنيت بولۋى مۇمكىن»، - دەيدى سەرىك اۋساتوۆ.
قىزامىقتىڭ الدىن الۋ شارالارى جوق. ۇجىمداردا اۋرۋدىڭ الدىن-الۋدىڭ نەگىزى سىرقاتتى ەرتە انىقتاپ، وقشاۋلاۋ.
«قىزامىق مەكتەپكە دەيىنگى ۇيىمدا تىركەلگەن جاعدايدا سوڭعى ناۋقاس وقشاۋلانعان ساتتەن باستاپ كۇنتىزبەلىك جەتى كۇنگە كارانتين جاريالانادى. بالاباقشالاردا اۋىرۋ قايتالانعان جاعدايدا اۋىرعان بالالاردا ءجىتى كورىنىستەرى جويىلعاننان كەيىن توپقا جىبەرىلەدى.
قىزامىقتى تاراتپاۋدىڭ جولى - اۋرۋ بەلگىسى بار بالانى بالاباقشا مەن مەكتەپكە جىبەرمەۋ. دەنە تەمپەراتۋراسى 37 گرادۋس جانە ودان جوعارى كوتەرىلسە، السىزدىك، جۇرەك اينۋ، قۇسۋ، تاماقتىڭ قىزارۋى، دەنەدە بورتپەلەر بولسا ەمحاناعا جۇگىنۋ قاجەت»، - دەيدى سانيتار دارىگەر.
