فۋتبولدان قازاقستان قۇراماسى 11 ساتىعا جوعارىلادى

None
None
نۇر- سۇلتان. قازاقپارات - حالىقارالىق فۋتبول فەدەراتسيالارى اسسوتسياتسياسىنىڭ (FIFA) جاڭارتىلعان رەيتينگىسىندە قازاقستان قۇراماسى 11 ساتىعا جوعارىلادى.

وعان قۇرامانىڭ UEFA ۇلتتار ليگاسىنداعى ءساتتى ويىندارى وڭ اسەر ەتتى، دەپ حابارلايدى قازاقپارات ءتىلشىسى.

بۇگىن، 23- ماۋسىمدا حالىقارالىق فۋتبول فەدەراتسيالارى اسسوتسياتسياسىنىڭ (FIFA) جاڭارتىلعان رەيتينگىسى جاريالاندى. وندا قازاقستان قۇراماسى 114 ورىنعا كوتەرىلدى. وسىلايشا قۇراما بۇرىنعى ورنىنان 11 ساتىعا جوعارىلاعان.

ەسكە سالساق، باس باپكەر ماگومەد اديەۆتىڭ جەتەكشىلىگىمەن قازاقستاندىق فۋتبولشىلار UEFA ۇلتتار ليگاسىندا ازەربايجان (2:0) جانە ەكى مارتە سلوۆاكيانى (1:0- 2:1) تىزە بۇكتىردى. ال بەلارۋسپەن (1:1) تەڭ وينادى. ناتيجەسىندە ول قۇرامانىڭ FIFA رەيگتينگىسىندەگى ورنىنىڭ جوعارىلاۋىنا وڭ اسەر ەتتى.

FIFA رەيتينگىسىندەگى 2022 -جىلدىڭ 23- ماۋسىمىنداعى كورسەتكىش تومەندەگىشە:

1. برازيليا - 1838 ۇپاي

2. بەلگيا – 1822

3. ارگەنتينا – 1771

4. فرانسيا - 1765

5. انگليا – 1737

6. يسپانيا – 1717

7. يتاليا –1714

8. نيدەرلاندى -1680

9. پورتۋگاليا – 1679

10. دانيا - 1665

51. سلوۆاكيا –1440

96. بەلارۋس – 1227

114. قازاقستان – 1166

128. ازەربايجان - 1127.

قازاقستاندىق فۋتبولشىلار ەندى 22- قىركۇيەكتە بەلارۋستى قابىلداسا، 25 -قىركۇيەكتە سىرت الاڭدا ازەربايجانمەن شەبەرلىك بايقاسادى.

اۆتور: ءادىلجان ۇمبەت

سوڭعى جاڭالىقتار