20:04, 18 - اقپان 2021 | GMT +6
ءۇيدىڭ 11-قاباتىنان قۇلاعان قىز بالا امان قالدى
ماسكەۋ. تاسس- قازاقپارات - ماسكەۋدە نوۆوپەرەدەلكينسكي كوشەسىندەگى كوپقاباتتى ءۇيدىڭ 11-قاباتىنداعى پاتەر تەرەزەسىنەن قۇلاعان ون بەس جاسار قىز امان قالدى.
قۇقىق قورعاۋ ورگانى وكىلدەرىنىڭ ايتۋىنشا، ول ومبى قارعا قۇلاعاندىقتان، ءتىرى قالعان، دەپ حابارلايدى قازاقپارات تاسس اگەنتتىگىنە سىلتەمە جاساپ.
«كەشكە نوۆوپەرەدەلكينسكي كوشەسىندەگى كوپقاباتتى ءۇيدىڭ 11-قاباتىنداعى پاتەردىڭ ءبىرىنىڭ تەرەزەسىنەن 15 جاسار قىزدىڭ قۇلاعانى تۋرالى حابار كەلدى. قىز امان قالعانىمەن ءتۇرلى جاراقاتتار الدى، سونداي-اق ميى شايقالعان. قازىرگى ۋاقىتتا ول اۋرۋحانادا جاتىر»، - دەپ حابارلادى اگەنتتىك. وسى وقيعاعا بايلانىستى تەرگەۋشىلەر تەكسەرىس جۇرگىزىپ جاتىر.