قازاقپارات كۇنتىزبەسى: 11- مامىر
استرونوميا كۇنى
جىلىنا ەكى رەت - كوكتەمدە جانە كۇزدە اتاپ وتىلەدى. بۇل مەرەكە كاسىپتىك قىزمەتتەرى استرونوميامەن، اسپان دەنەلەرىن باقىلاۋمەن بايلانىستى ادامداردى بىرىكتىرەدى.
1973-جىلى امەريكادا باستاۋ الىپ، استرونوميا فاناتتارىن «استرونوميانى ادامزاتقا تانىستىرۋشىلار» ۇرانىنىڭ اينالاسىنا ۇيىستىردى.
بۇگىندە بۇل قوزعالىستى استرونوميا ليگاسى، تىنىق مۇحيت استرونوميالىق قوعامى، حالىقارالىق پلانەتارييلەر وداعى باسقارادى.
استرونوميا كۇنىن ادەتتە سەنبى كۇنى، اي ورتالانىپ، ءساۋىر اياقتالىپ، مامىر باستاۋ الار كەزدە تويلايدى. بۇل كۇنى كوپتەگەن ەلدەردە مىڭداعان استرونوميالىق كلۋبتار، عىلىمي مۇراجايلار، پلانەتاريلەر ءارتۇرلى قىزىقتى شارالار ۇيىمداستىرىپ، كوپشىلىككە دارىستەر وقيدى، تەلەكونفەرەنتسيا، بىرىككەن جوبالار جاساپ، جۇلدىزدى اسپاندى تەلەسكوپتارمەن تاماشالاتادى.
ەستە قالار وقيعالار
1996 -جىلى قازاقستان مەن يران يسلام رەسپۋبليكاسىنىڭ پرەزيدەنتتەرى ەكى ەل اراسىنداعى ىنتىماقتاستىقتى ودان ءارى دامىتۋ جانە تەرەڭدەتۋ تۋرالى بىرلەسكەن دەكلاراتسياعا، كاسپيي تەڭىزىنىڭ ماسەلەلەرى بويىنشا بىرلەسكەن مالىمدەمەگە قول قويدى.
1998 -جىلى قازاقستان رەسپۋبليكاسىنىڭ ىشكى ىستەر ورگاندارى جۇيەسىندە «ارلان» ارنايى ماقساتتاعى بولىمشەسى قۇرىلدى.
2007 -جىلى مۇحتار اۋەزوۆتىڭ مۇراجاي ۇيىندە حالىقارالىق قۇقىقتانۋشى رەين ميۋللەرسوننىڭ «ورتالىق ازيا» اتتى كىتابىنىڭ تانىستىرىلىمى ءوتتى. كىتاپتا اۆتوردىڭ ورتالىق ازياداعى ب ۇ ۇ- نىڭ ايماقتىق كەڭەسشىسى رەتىندە قىزمەت ەتكەن كەزدەگى ايماقتىڭ تانىمال ساياساتكەرلەرىمەن جەكە كەزدەسۋلەرى تۋرالى ماتەريالدار جانە قاراپايىم حالىقتىڭ تىرشىلىگى جونىندەگى كوزقاراسى جينالعان.
ر. ميۋللەرسون - لوندون ۋنيۆەرسيتەتىنىڭ كورول كوللەدجىنىڭ پروفەسسورى، حالىقارالىق جانە الەم قاۋىپسىزدىگى باعدارلاماسىنىڭ ديرەكتورى.
80 جىلداردىڭ اياعىندا ەستونيانىڭ سىرتقى ىستەر مينيسترلىگىنىڭ ورىنباسارى بولىپ قىزمەت اتقارعان. س س س ر پرەزيدەنتى ميحايل گورباچيەۆتىڭ كەڭەسشىسى بولعان. حالىقارالىق قۇقىق جانە ساياسات بويىنشا 9 كىتاپتىڭ جانە 200 دەي ماقالانىڭ اۆتورى.
2010 -جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ازەربايجاننىڭ بۇرىنعى پرەزيدەنتى گەيدار اليەۆ اتىنداعى كابينەت اشىلدى.
2011 -جىلى قوستاناي قالاسى ساعات تۋرا 12 دە الەمنىڭ ءىرى قالالارىندا باستالعان «ارەكەتتەر ونجىلدىعى» اتتى بۇكىل الەمدىك اكتسياعا قوسىلدى. ب ۇ ۇ باس اسسامبلەياسى جاريا ەتكەن اتاۋى بىردەي جوبا اياسىنداعى ناسيحاتتىق ارەكەتتەر جول قوزعالىسى قاۋىپسىزدىگىن قامتاماسىز ەتۋگە باعىتتالعان.
2013 -جىلى قازاقستان پرەزيدەنتى نۇرسۇلتان نازاربايەۆ پەن تۇرىكمەنستان پرەزيدەنتى گۋربانع ۇلى بەردىمۇحامەدوۆ «بولاشاق ستانساسى (قازاقستان رەسپۋبليكاسى) - سەرحەتياكا ستانساسى (تۇركىمەنستان)» وتكەلى ارقىلى ەلدەر اراسىنداعى تىكەلەي تەمىرجول قاتىناسىن اشۋعا قاتىستى.
«بولاشاق- سەرحەتياكا» ۋچاسكەسى - قازاقستان، تۇرىكمەنستان جانە يران اراسىن جالعاستىراتىن ترانسۇلتتىق ءدالىزدىڭ بولىگى.
2015 -جىلى دۋبايدا «ۇرپاقپەن اسىل بايلانىس» قازاق ۇلتتىق بۇيىمدارىنىڭ بىرەگەي كورمەسى اشىلدى.
كورمەدە ءداستۇرلى قازاق كيىمدەرى مەن ۇلتتىق ستيلدەگى زاماناۋي كيىمدەر، زەرگەرلىك بۇيىمدار ۇسىنىلدى.
2016 -جىلى قازاقستاننىڭ ۇلى بريتانياداعى ەلشىسى ەرجان قازىحانوۆ بەلگىلى بريتاندىق ساۋلەتشى نورمان فوستەرگە قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ بەيبىتشىلىك جانە پروگرەسس مەملەكەتتىك سىيلىعىن تابىستادى.
نورمان فوستەر - بريتاندىق ساۋلەتشى، يمپەراتور جانە پريتتسكەر سىيلىقتارىنىڭ يەگەرى. ول استانا قالاسىنداعى «بەيبىتشىلىك جانە كەلىسىم سارايى» (2006)، «حان- شاتىر» ساۋدا، ويىن- ساۋىق ورتالىعى (2010) جانە ق ر تۇڭعىش پرەزيدەنتى كىتاپحاناسى عيماراتتارىنىڭ اۆتورى.
2017 -جىلى استاناداعى بارلىق عيماراتتارعا ينديۆيدۋالدى QR- كود بەرىلدى. بۇل جاڭالىق جەدەل قىزمەت، تاكسي جۇرگىزۋشىلەرى، كۋرەرلەر مەن پوشتا قىزمەتكەرلەرىنىڭ جۇمىسىن ايتارلىقتاي جەڭىلدەتەدى.
2017 -جىلى قازاق ۇلتتىق ۋنيۆەرسيتەتى مەن ب ۇ ۇ وركەنيەتتەر اليانسى (UNAOC) ىنتىماقتاستىق تۋرالى مەموراندۋمعا قول قويدى.
2018 -جىلى تاشكەنتتە حالىقارالىق تۇركى اكادەمياسى ماعجان جۇمابايەۆتىڭ وزبەك تىلىندەگى شىعارمالار جيناعىن تانىستىردى. جيناقتى مۋزاففار احماد اۋدارىپ شىقتى.
2019 -جىلى فرانكفۋرتنا- ماينە قالاسىندا كوزى كورمەيتىن قازاقستاندىق ابىلاي مۇستافين مەنتالدى اريفمەتيكادان وتكەن «Seven Continents Cup-2019» اتتى حالىقارالىق وليمپيادانىڭ گراند- چەمپيونى اتاندى.
وليمپياداعا بۇكىل الەم بويىنشا مەنتالدى اريفمەتيكا مەكتەپتەرىنىڭ 500 دەن استام وقۋشىسى قاتىسقان.
2019-جىلى ۆەنەتسياداعى پالاتستسو دونا دەل روزە سارايىنلا ءا. قاستەيەۆ اتىنداعى مەملەكەتتىك ونەر مۇراجايىنىڭ «قازاق دالاسىنىڭ ىرعاعى» اتتى كورمە اشىلدى. ول «رۋحاني جاڭعىرۋ» مەملەكەتتىك بادارلاماسىنىڭ اياسىندا ۇيىمداستىرىلىپ، ۆەنەتسياعا ونەر ءسۇيۋشى قاۋىم كوپ كەلەتىن اتاقتى ۆەنەتسيا بيەننالەسى كەزىندە ءوتتى.
ەكسپوزيتسيا ⅩⅩ عاسىردىڭ ەكىنشى جارتىسىنداعى تانىمال قازاقستاندىق سۋرەتشىلەر: ەۆگەني سيدوركين، ساليحيتدين ايتبايەۆ، البەرت گۋريەۆ، يساتاي يسابايەۆ، قادىربەك قامەتوۆ، ماقۇم قيسامەدينوۆ جانە بوريس پاكتىڭ 20 گرافيكالىق تۋىندىسىنان قۇرالدى.
