ارشالى ماڭىندا جولاۋشىلار پويىزى 11 جىلقىنى باسىپ كەتتى
«قازىر اتالعان فاكتى بويىنشا اكىمشىلىك ءىس قوزعالىپ، جىلقىلاردىڭ يەسىن انىقتاۋ بويىنشا ىزدەستىرۋ ءىس- شارالارى جۇرگىزىلۋدە. تەمىرجول - اسا قاۋىپتى ايماق. وسىعان وراي، كولىك پوليتسياسى قاراۋسىز قالعان مالداردىڭ پويىزدار قوزعالىسىنا قاۋىپ توندىرەتىنىن تاعى دا ەسكەرتەدى. ازاماتتار ءۇي جانۋارلارىن جايۋ ەرەجەلەرىن مۇلتىكسىز ساقتاۋى جانە تەمىرجول ماڭىندا ولاردىڭ جۇرۋىنە جول بەرمەۋلەرى ءتيىس»، - دەلىنگەن حابارلامادا.
جىل باسىنان بەرى پويىزداردى شۇعىل تەجەۋدىڭ 214 فاكتىسى تىركەلگەن، ولاردىڭ 130-دان استامى تەمىرجول ۇستىنە مالداردىڭ شىعىپ كەتۋىمەن بايلانىستى بولعان. كولىكتەگى پوليتسيا دەپارتامەنتىنىڭ قىزمەتكەرلەرى بارلىق فاكتىلەر بويىنشا مال يەلەرىن اكىمشىلىك جاۋاپكەرشىلىككە تارتۋ ءۇشىن ولاردى انىقتاۋ شارالارىن جۇرگىزۋدە. بۇگىنگى كۇنى تەمىرجول بويىندا مال جايعان 70-تەن اسا تۇلعاعا اكىمشىلىك ايىپپۇل سالىندى.
ماسەلەن، اعىمداعى جىلدىڭ 16 - اقپانىندا ساعات 01:38-دە نۇر- سۇلتان ستانسياسىنداعى جەلىلىك پوليتسيا باسقارماسىنا تورعاي - سەلەتى ارالىعىندا جۇك پويىزىنىڭ ماشينيستى تەمىرجولدا ءۇي جانۋارىنىڭ جۇرۋىنە بايلانىستى شۇعىل تەجەۋدى قولدانعانى تۋرالى حابارلاما كەلىپ تۇسكەن. سوعان قاراماستان پويىز 3 جىلقىنى قاعىپ كەتكەن.
www.24.kz
