اۋرۋعا شالدىقتىراتىن 11 سەبەپ

نۇر-سۇلتان. قازاقپارات - گيپپوكرات ەمدەلگىسى كەلەتىن ادامنان ەڭ الدىمەن اۋرۋدىڭ پايدا بولۋ سەبەپتەرىمەن كۇرەسۋگە دايىن با ەكەنىن سۇرا. سودان كەيىن عانا وعان كومەكتەسۋگە بولادى دەگەن ەكەن.

ەمدەلمەس بۇرىن بويىڭىزدا پايدا بولعان دەرتتىڭ نەگىزگى سەبەبىن انىقتاپ الۋدى ۇسىنامىز. تومەندە كەلتىرىلگەن فاكتورلاردىڭ قاي-قايسىسى بولماسىن ءسىزدىڭ اۋرۋعا شالدىعۋىڭىزعا سەبەپشى بولادى:

1. پسيحولوگيا.

ەگەر ءتانىڭىز اۋىرسا، ويىڭىز بەن كەيبىر ءىس- ارەكەتتەرىڭىزدى وزگەرتۋگە ءتيىستىسىز. «ادامنىڭ ءوز-وزىنە كوڭىلى تولماسا، ەشكىمدى جاقسى كورمەسە نەمەسە ونى ەشكىم جاقسى كورمەسە دەنساۋلىعىنا اسەر ەتە مە؟» دەگەن سۇراققا «ارينە، اسەر ەتەدى!» دەپ جاۋاپ بەرەمىز. ىشىندە كەك، رەنىش، قورقىنىش، قىزعانىش، اشۋ- ىزا سياقتى جاعىمسىز سەزىمدەرى بار ادامنىڭ دەنى ساۋ بولۋ مۇمكىندىگى ازايادى. دەنىڭىز ساۋ بولسىن دەسەڭىز پسيحولوگياڭىزدى وزگەرتىپ، الدىڭىزعا دۇرىس ماقسات قويىڭىز.

2. اس - ادامنىڭ ارقاۋى.

بۇل تۋرالى كوپ ايتىلىپ، كوپ جازىلسا دا، ءىس جۇزىندە ەشكىم ءمان بەرمەيدى. شىنىمەن دە، دۇرىس ءارى جاقسى تاماقتانۋدى قولعا الۋ قيىن. سەبەبى، دۇكەن سورەلەرىندە تابەتىڭدى اشاتىن تاعام تۇرلەرى كوپ. قارنىمىز اشقاندا ونىڭ اعزامىزعا قانشالىقتى پايدالى نە زياندى ەكەنىن ەسكەرمەيمىز. سوندىقتان ەڭ الدىمەن ەشقاشان جەۋگە بولمايتىن ازىق- تۇلىك ءتىزىمىن جاساڭىز.

بۇزىلمايتىن ازىق- تۇلىكتى جەۋگە بولمايدى! مىسالى، ءجۇزىم. ءجۇزىم 3-5 كۇننەن ارتىق ساقتالمايدى، بۇزىلىپ كەتەدى. قازىرگى ءبىز جەپ جۇرگەن جەمىستەردىڭ كوبى دۇكەن سورەسىندە اپتالاپ، ايلاپ ساقتالا بەرەدى.

جاساندى تاعامدى جەۋگە بولمايدى! «دوشيراك»، «روللتون» سياقتى جاساندى تاعام مەن سۋعا ەزىلەتىن كوفە، سۋسىنداردى جەپ-ىشپەگەن ءجون. يوگۋرت شىعاراتىن فيرمالار ءتىرى باكتەريالارى بار يوگرۋت تۋرالى جارناما بەرەدى. ول يوگۋرتتىڭ جارامدىلىق مەرزىمى 3-4 ايعا دەيىن سوزىلادى. ال جاڭاعى ءتىرى باكتەريالار ۇزاسا 3-6 كۇن ارالىعىندا عانا ءومىر سۇرەدى.

ءۇي جاعدايىندا شيەدەن جاسالعان توساپتىڭ ءتۇرى قىزىل بولمايدى، اۋا مەن قانتتىڭ اسەرىنەن ءدامى قىشقىلدانىپ، ءتۇسى دە قويۋ قوڭىر بولىپ وزگەرىپ كەتەدى. ال دۇكەندە ساتىلاتىن تاڭقۋراي، ورىك، شيە سياقتى جەمىس- جيدەكتەردەن جاسالعان توساپتاردىڭ ءتۇرى ولاي وزگەرمەيدى، سەبەبى قۇرامىندا ءتۇرلى حيميالىق قوسپالار مەن بوياعىش زاتتار بار. ارينە، ول ادام اعزاسىنا زيان كەلتىرەدى.

مايونەزدى، اسىرەسە پلاستيكالىق قاپتاعى مايونەزدى جەۋگە بولمايدى! سىركە سۋى پلاستيكتەن ءار ءتۇرلى كانتسەروگەندىك زاتتەكتەر بولەدى. مايونەزدىڭ قۇرامىندا كوپ مولشەردە ۇزاق مەرزىمگە دەيىن ساقتالاتىن ادام اعزاسىنا زياندى قوسپالار بار. ال ونىڭ قۇرامىنداعى ماي قان تامىرلارىمىزدىڭ ءىشىن بىتەپ تاستايدى.

مۇنداي ازىق- تۇلىك پەن تاعامداردى كۇندەلىكتى ومىردە ءجيى قولداناتىندىقتان، جازىلعاننىڭ بارىنە كوز جۇما قاراۋعا بولادى. ەگەر دەنساۋلىعىڭىزعا نەمقۇرايلى قاراپ، مەزگىلىڭىزدەن بۇرىن كوز جۇمۋعا قارسى بولماساڭىز، مارحابات!

3. سۋ، سۇيىقتىق.

كوپتەگەن اۋرۋ تۇرلەرىنىڭ پايدا بولۋىنا تاعى ءبىر سەبەپ - سۋ مەن سۋسىندار. ادام ميىنىڭ 90 پايىزى سۋدان تۇرادى. ميعا سۋ بارۋىن توقتاتسا نە بولاتىن ەلەستەتۋدىڭ ءوزى قورقىنىشتى. سۋدان باسقا پەپسي- كولا، شاي جانە باسقا دا ءتۇرلى سۋسىنداردىڭ ەشبىرى ميعا بارمايدى. جەر بەتىندەگى ءومىر ءسۇرىپ جاتقان تىرشىلىك يەلەرى اراسىندا ادام عانا قولدان جاسالعان تاعام مەن سۋدان باسقا دا سۋسىندار ىشەدى. كوك شاي، قارا شاي، كاكاو، كوفە، شىرىن ىشۋگە بولا ما دەگەن تاقىرىپتا كوپ داۋلاسۋعا بولادى. جاس سابيگە ءشاي ىشتىرۋگە بولا ما؟ بۇدان ولاردىڭ دەنساۋلىقتارى نىعايا تۇسە مە؟ باسىمىزدى شايمەن جۋىپ، كىر كيىمىمىزدى شىرىنمەن، ەدەندى كوفەمەن جۋا الامىز با؟

بىزگە امبەباپ ەرىتكىش كەرەك، ول - سۋ. ءبىزدىڭ ءاربىر جاسۋشامىز سۋعا مۇقتاج. ولار دا «تازارىپ، جۋىنعىسى» كەلەدى. سۋدى قانشا مولشەردە ءىشۋ كەرەك؟ ەگەر تەك جەمىس- جيدەك جەيتىن ادام بولساڭىز، كۇنىنە ءبىر ليتر كولەمىندە سۋ ءىشۋ جەتكىلىكتى.

ەگەر ەت جەيتىن ادامدار قاتارىنان بولساڭىز جانە ەتتەن باسقا بالىق، جۇمىرتقا، ناندى كوبىرەك جەيتىن بولساڭىز، كۇنىنە 1,8 - 2 ليتر كولەمىندە سۋ ءىشۋ كەرەكسىز. نەعۇرلىم كوپ جەسەڭىز، سۋدى دا سوعۇرلىم كوبىرەك پايدالانعان ءجون. شولدەۋ - ادام اعزاسىنا سۋ جەتىسپەيتىنىن بىلدىرەتىن ءبىرىنشى ەمەس، ءتورتىنشى نە بەسىنشى بەلگى. سوندىقتان دا ەگەر شولدەگەن بولساڭىز - اعزاڭىزداعى سۋ مولشەرى كوپ مولشەردە ازايىپ كەتتى دەگەن ءسوز.

ەگەر دارەتحانادان شىققان كەيىن قايتا كىرۋ مۇمكىن ەمەستەي جاعىمسىز ءيىس شىقسا، سۋدى از مولشەردە ىشەسىز دەگەننىڭ بەلگىسى. ەگەر تەرلەگەن كەزدە قولتىعىڭىزدان جاعىمسىز ءيىس شىقسا، ءيىسسۋ، ءاتىردى قولدانعاننىڭ ورنىنا سۋدى كوبىرەك قولدانۋدى قولعا الىڭىز. سۋدى تەردىڭ ءيىسى دەنەنىڭ يىسىندەي بولعانشا كوپ ءىشۋ كەرەك.

اسقازان قىشقىلدىعىنىڭ جوعارىلاۋى - وتە داۋلى سۇراق. ءبىر دە ءبىر اسقازان كوپ مولشەردە جوعارىلاعان قىشقىلدىق بولمەيدى.2,5 گرامم تۇز قىشقىلى ءبولىنۋ كەرەك بولسا، اسقازان سول مولشەردەن از نە كەم بولمەيدى. ادام اسقازانىندا قىجىل بار ەكەندىگىن ايتسا، وعان اسقازان قىشقىلىنىڭ جوعارىلاپ كەتكەنىن ايتادى. بۇدان وتكەن سوراقى جاۋاپ جوق شىعار. ەگەر قانت ديابەتى دەرتىنە شالدىقساڭىز، ەمدى قانت مولشەرىن ازايتاتىن ءدارى- دارمەك قابىلداۋدان باستاماڭىز. قۇرامىندا 3 قاسىق قانتى بار ءتاتتى قاندى كوز الدىڭىزعا ەلەستەتىپ كورىڭىز. ول قانتتى قانداي دارىمەن كەتىرىپ تاستاي الاسىز؟ ول ەشقايدا كەتپەيدى.

ءتاتتى قاندى نە ىستەۋگە بولادى؟ وعان سۋ قوسۋ ارقىلى سۇيىلتۋعا بولادى. قانتتى بۇيرەك ارقىلى تازارتۋعا بولا ما؟ بولادى. ولاي بولسا، قانداعى قانت مولشەرىن سۋدى كوپ مولشەردە ىشۋمەن عانا ەرىتىپ، ازايتۋعا بولادى. دارىگەر ەشقاشان سىزگە سۋدى كوپ مولشەردە ءىش دەپ كەڭەس بەرمەيدى، ءتىپتى كوپ مولشەردە سۋ ىشۋگە تىيىم سالۋى دا عاجاپ ەمەس. اۋرۋدىڭ كوپ تۇرىنە باسقاشا كوزقاراسپەن قاراۋ كەرەك.

4. باكتەريا، ۆيرۋس، ساڭىراۋقۇلاق پەن قاراپايىم پارازيتتەردىڭ قوزۋى.

بۇلار ءسىز قالاساڭىز دا، قالاماساڭىز دا اعزاڭىزدا تىرشىلىك ەتەدى. ولاردىڭ دا ءدال ءسىز سياقتى ءومىر سۇرۋگە قاقىسى بار. ولاردى ءولتىرىپ، كوزىن جويۋ مۇمكىن ەمەس. ءسىز ولاردى ولتىرەمىن دەگەنشە، ولار ءسىزدى ءولتىرىپ قويۋى مۇمكىن. ءبىراق ولاردىڭ ماقساتى - ءسىزدى ءولتىرۋ ەمەس. ولاردىڭ ماقساتى - ءسىزدىڭ اعزاڭىزدان وزلەرىنىڭ ءومىر سۇرۋىنە قاجەتتى ازىق الۋ. ەگەر ولارمەن بىرگە ءومىر سۇرگىڭىز كەلمەسە، ولاردىڭ ءومىر سۇرۋىنە قولايلى جاعداي جاساماۋعا تىرىسىڭىز. ولارمەن ءسىزدىڭ يممۋنيتەتىڭىز عانا كۇرەسە الادى. يممۋندى جۇيەنىڭ جاسۋشالارى ءۇشىن بۇلار جىرتقىش اڭمەن تەڭ. سول سەبەپتى، ولارمەن كۇرەسۋ ءۇشىن ناقتى ارەكەت جاساي ءبىلۋ كەرەك.

5. تۇقىم قۋالاۋشىلىق.

دۇرىس تاماقتانباعاننىڭ اسەرىنەن پايدا بولاتىن وتكە تاس تولۋ، قانت ديابەتى، گيپەرتونيالىق اۋرۋلار سياقتى تۇقىم قۋالايتىن اۋرۋلار ۇرپاقتان ۇرپاققا «مۇرا بولىپ» قالۋى ىقتيمال. تۇقىم قۋالايتىن اۋرۋ تۇرلەرىنىڭ كوبى 10-15 جاس ارالىعىندا پايدا بولادى.

6. مەديتسينا.

مەديتسينانىڭ دامۋىنا قانشا ۇلكەن كولەمدە قارجى بولسەك تە، ادامنىڭ ءومىر ءسۇرۋ جاسى ۇلعايمايدى. ادامنىڭ ۇزاق ءومىر ءسۇرۋى مەديتسينانىڭ دامۋىمەن بايلانىستى ەمەس. ءومىردىڭ ۇزاق، قىسقا بولۋى دۇرىس تاماقتانۋعا، ءومىر ءسۇرۋ سالتى مەن ءوز-ءوزىڭىزدى جاقسى كورە بىلۋىڭىزگە بايلانىستى. انالگين، سيترامون، ديمەدرول سياقتى ءدارى-دارمەكتەردىڭ ۋلاندىراتىن اسەرى بولعاندىقتان اتى اتالعان بۇل دارىلەر باسقا ەلدەردە قولدانىلمايدى. بۇل زەرتتەۋلەر ا ق ش-تا جۇرگىزىلگەن. ءبىز ءتۇرلى انتيبيوتيكتەر مەن پرەپاراتتاردى قوسپاعانداعى قاراپايىم مىسالدار كەلتىىرپ وتىرمىز. دەنساۋلىعىڭىزعا نەعۇرلىم كوپ زيان كەلتىرگىڭىز كەلسە، مىسالدا كەلتىرىلگەن ءدارى-دارمەكتەردى قولدانۋدى جالعاستىرا بەرىڭىز.

8. قيمىل-قوزعالىس.

قىتاي مەن جاپونيادا دەنە بۋىندارى ماسەلەسىمەن اينالىساتىن دارىگەرلەر از كەزدەسەدى. شىعىس جەكپە-جەگىنىڭ كوپ تۇرىندە قيمىل- قوزقالىستارى باياۋ بولادى. سپورت تۇرىنە قاراعاندا جاي عانا گيمناستيكاعا ۇقسايدى. ءبىزدىڭ ەلدە قيمىل- قوزعالىس تۋرالى ۇعىمدى اركىم ءار ءتۇرلى قابىلدايدى. باقشادا تاڭنان كەشكە دەيىن ارام ءشوپ جۇلىپ، شۇقشيىپ وتىراتىن بولساڭىز، دەنەڭىزگە پايدالى قيمىل-قوزعالىس جاسادىم دەپ ويلاماڭىز. قيمىلداعان كەزدە دەنەدەگى بارلىق بۋىن مەن بۇلشىقەت قوزعالۋى كەرەك. سوندا عانا بۇل قيمىل-قوزعالىس ءسىز ءۇشىن پايدالى بولماق.

9. بيوەنەرگەتيكا.

قازىرگى تاڭدا بيوورىستىڭ بولاتىنى عىلىمي تۇردە دالەلدەنگەن. بۇرىن ونى «كوز تيۋ» دەپ اتاسا، قازىر «بيوەنەرگەتيكانىڭ بۇزىلۋى» دەپ اتايدى. ونىڭ قالاي اتالاتىنى ماڭىزدى ەمەس، ماڭىزدىسى - ونىڭ دا ءسىزدىڭ ومىرىڭىزگە اسەر ەتەتىندىگى. اينالىپ كەلگەندە، بۇل دا پسيحولوگيامەن بايلانىستى.

10. ەكولوگيا.

ەگەر وندىرىستىك ورىندارى بار، اۋاعا ۇنەمى زياندى گاز بولىنەتىن جەردە تۇراتىن بولساڭىز؛ ەگەر ىدىس- اياعىڭىزدى «فەيري» سياقتى 35 قايتارا شايماساڭىز اعزاڭىزعا زيان كەلتىرەتىن سۇيىقتىقپەن جۋاتىن بولساڭىز، تەز ارادا شارا قولدانۋىڭىز كەرەك!

11. جاعىمسىز ادەتتەر.

بويىڭىزداعى جاعىمسىز ادەتتەر ءسىز ويلاعاننان دا كوپ. جاعىمسىز ادەتتەر تەمەكى شەگۋ، ىشىمدىك ءىشۋ، ەسىرتكى قولدانۋمەن شەكتەلمەيدى. قوعامدىق كولىكتەردە كىتاپ، گازەت وقىپ نەمەسە مۋزىكانى قاتتى قويىپ، قۇلاققاپ كيىپ وتىرۋ دا جامان ادەتتەر قاتارىنا كىرەدى. ۇيىقتاعاندا ەتبەتتەپ جاتۋ دا دەنساۋلىعىڭىزعا زيان، سەبەبى ولاي جاتقاندا مويىن بۇرىلىپ، ميدىڭ قان اينالىمى بۇزىلادى.

12. ۋاقىت.

بايلىقتىڭ ءبارىن جيناپ العان كەزدە دەنساۋلىعىڭىزعا نازار اۋدارۋعا نە جەتپەيدى؟ ارينە، ۋاقىت جەتپەي قالادى. ءبىز سانالى عۇمىرىمىزدا كەستە تىگۋ، قۇراق قۇراۋ، كولىك جۇرگىزۋ سياقتى كۇندەلىكتى ومىرىمىزگە كەرەكتى كوپ نارسە ۇيرەنىپ، داعدىلانامىز. ءبىراق وسىلاردىڭ ەشقايسىسى ءسىزدىڭ ءومىرىڭىزدى ۇزارتا المايدى. ادام دەنساۋلىعىنان ايرىلعان كەزدە قالعان داعدىلاردىڭ قۇنى جوعالادى. كوپتەگەن باي ادامدار دەنساۋلىعىنان ايرىلعان كەزدە «بيلىكتىڭ دە، بايلىقتىڭ دا كەرەگى جوك، تەك دەنىم ساۋ بولسا ەكەن» دەپ تىلەيدى. وكىنىشكە وراي، بىزگە ماڭگىلىك بەرىلگەندەي-اق دەنساۋلىعىمىزعا وتە سالعىرت قارايمىز. بۇل ۇلكەن قاتەلىك. ءومىر بويى ىستەپ جۇرگەن ءىس- ارەكەتىمىزدىڭ 80 پايىزى دەنساۋلىعىمىزعا زيانىن تيگىزەدى ەكەن.

دەرەككوز: Reactor