بولمەدەگى اۋانى تازارتۋدىڭ 11 جولى

 استانا. قازاقپارات - كۇزدىڭ باسىندا ورتالىق جىلۋ قۇبىرى ىسكە قوسىلادى، كوپشىلىك ءوزىن جايسىز سەزىندىك دەپ شاعىمدانا باستايتىنى بەلگىلى.

بۇعان تاڭ قالمايسىز، ويتكەنى بىرىنشىدەن قۇرعاق اۋادا باكتەريالار تەز كوبەيەدى، ەكىنشىدەن ىلعالدىڭ جەتىسپەۋىنەن ادام تەز شارشاڭقى كۇيگە تۇسەدى.

ارينە، اۋانى ىلعالداندىرعىش جاقسى اتموسفەرا قالىپتاستىرۋدىڭ بىردەن ءبىر جولى. ال ول بولماعان جاعدايدا نە ىستەۋ قاجەت؟ سىزدەرگە مۇنىڭ بىرنەشە قااپايىم جولدارىن ۇسىنامىز.

جاتىن بولمەدە كىر جايعىشتى قويىڭىز جانە جاتار الدىندا وعان جۋىلعان كيىمدەردى ءىلىڭىز. مۇنىڭ ارقاسىندا بولمەدەگى اۋا اناعۇرلىم ىلعالدى بولا تۇسەدى جانە ءسىز تۇنگى مەزگىلدە تاماعىڭىز كەۋىپ ۇيقىدان جايسىز ويانۋدى دوعاراسىز.

باتارەياعا دىمقىل سۇلگىنى جايىپ قويىڭىز. كەپكەنگە دەيىن ول ىلعال بەرەدى. قولدان كەلسە جىلۋ باتارەيلەرىنە سۋ قۇيىلعان ىدىس قويعان دۇرىس.

جەلدەتۋدەن ءۇمىت كۇتپەڭىز

سۋىق اۋا قاشاندا قۇرعاق. بولمەنى ۇزاق ۋاقىت بويى جەلدەتكەننەن اۋا ىلعالدانبايدى، قۇرعاق كۇيىندە قالىپ قويادى.

بولمەدە سۋ تولتىرىلعان ۆازا نەمەسە باسقا دا ىدىستاردى قويۋعا بولادى.

ولاردىڭ ىشىنە قالقىپ جۇرگەن بالاۋىز شامدارىن نەمەسە جاپىراقتاردى سالىپ قويۋعا بولادى. بولماسا بىرنەشە ۆازادان سونداي كومپوزيتسيا ۇلگىسىن قۇرىڭىز. وسىلايشا ءسىز بولمەدەگى اۋانى ىلعالداندىراسىز ءارى ونى ساندەپ تە ۇلگەرەسىز.

ۆاننا قابىلداپ جاتىرسىز با؟ سۋدى بىردەن اعىزباڭىز جانە ۆاننا ەسىگىن جاپپاڭىز، ىلعالدى اۋا بولمەگە جايىلعانىن كۇتىڭىز. ماڭىزدىسى: ەگەر ۇيدە كىشكەنتاي بالا بار بولسا، ۆاننادا سۋ قالعان كەزدەرى بالانى جەكە قالدىرماڭىز.

پليتادا ءجيى تاماق ازىلەپ، ءجيى ىدىس جۋىڭىز

قىستا ىستىق ءارى ءسىڭىمدى تاماق جەگەندى قالايتىنىڭىزدى سەزدىڭىز بە؟ اس ازىرلەۋ بولمەدەگى اۋانى ىلعالداندىرا تۇسەدى. سورپا قايناتىپ، كومپوت جاساڭىز، راگۋ بۇقتىرىڭىز. ەسىڭىزدە بولسىن: تاماقتى پەشتە پىسىرسەڭىز، اۋا قۇرعاق كۇيىندە قالىپ قويادى.

بولمە گۇلدەرىن كوبىرەك وتىرعىزىڭىز

ءجيى سۋارىلاتىن نەمەسە سۋ شاشىلاتىن گۇلدەردى تاڭداڭىز، ماسەلەن فيكۋس، قىرىققۇلاق، ءبورىتاراق، دراتسەنا.

 ءۇي جاعدايىندا اۋانى ىلعالداندىرۋدىڭ تاعى ءبىر جولى - پۋلۆەريزاتور الۋ جانە بولمەدە سۋ شاشۋ. نەمەسە جەلدەتكىش قاسىنا سۋى بار ىدىس قويىپ قويۋ.

بولمەگە گيدروگەلى بار ىدىستاردى قويىپ شىعىڭىز

گيدروگەل - بۇل گۇل ءوسىرۋ كەزىندە پايدالانىلاتىن دەكوراتيۆتى توپىراق، بۇل اۋانى ىلعالداندىرۋ ءۇشىن دە قاجەت. گۇلدى شارلادى ادەمى اينەك ىدىسقا سالىڭىز دا، سۋ قۇيىڭىز. ىلعالدىڭ اسەرىنەن شارلار ۇلكەيىپ، بولمەگە اقىرىنداپ ءوز ىلعالىن تاراتادى. الايدا شارلارى بار ىدىستى ءالسىن-ءالسىن سۋارىپ تۇرۋ قاجەت ەكەنىن ۇمىتپاعان ابزال.

اكۆاريۋم ورناتىڭىز

ىلعالدىلىقتى سۋى بار كەز كەلگەن ىدىس بەرۋى مۇمكىن، وعان اكۆاريۋم دا جاتادى. قاقپاقسىز، اشىق ءتۇرىن تاڭداعانىڭىز ورىندى.

جونگە كەلتىرىڭىز

ءجيى ىلعالدى تازالاۋ ۇيدە تازالىقتىڭ بولعانىن عانا كورسەتپەيدى، اۋادا ىلعالدىڭ جاقسى ساقتالۋىنا دا وڭ اسەر ەتەدى.

 

دەرەككوزى: ​.goodhouse.ru