مالىك عابدۋلليننىڭ ەڭبەكتەرى 11 تومدىق كىتاپ بولىپ باسىلىپ شىعادى

استانا. قازاقپارات - جازۋشى، قوعام قايراتكەرى كەڭەس وداعىنىڭ باتىرى مالىك عابدۋلليننىڭ ەڭبەكتەرى 11 تومدىق كىتاپ بولىپ باسىلىپ شىققالى جاتىر.
None
None

بۇل تۋرالى بۇگىن و ك ق- دا وتكەن باسپا ءسوز ءماسليحاتىندا اقمولا وبلىسىنىڭ اكىمى مالىك مىرزالين ءمالىم ەتتى، دەپ حابارلايدى قازاقپارات ءتىلشىسى.

«جاڭا گۋمانيتارلىق ءبىلىم «قازاق تىلىندەگى 100 جاڭا وقۋلىق» ارنايى جوباسىنىڭ ەرەكشە ءرولىن اتاپ وتكىم كەلەدى. «جاڭا گۋمانيتارلىق ءبىلىم» پلاتفورماسى نەگىزىندە 20 حالىقارالىق عىلىمي-پراكتيكالىق كونفەرەنسيا وتكىزىلىپ، 50 ماقالا جاريالاندى، حالىقارالىق كونفەرەنسيالاردىڭ ناتيجەسىندە 2 جيناق، 3 مونوگرافيا جارىققا شىقتى»، - دەيدى ءوڭىر اكىمى.

مالىك مىرزاليننىڭ ايتۋىنا قاراعاندا، وبلىستا «جەر جانناتى» ەنتسيكلوپەدياسى، كەڭەس وداعىنىڭ باتىرى مالىك عابدۋلليننىڭ ءومىرى مەن ەڭبەگى تۋرالى ءبىر تومدىق البوم باسىلىپ شىققان. الداعى ۋاقىتتا مالىك عابدۋلليننىڭ ەڭبەكتەرىن 11 تومدىق كىتاپ ەتىپ جارىققا شىعارۋ كوزدەلگەن.

سونىمەن قاتار، اقمولا وبلىسىنىڭ اكىمى قازاق تاريحىندا وتكەن بەلگىلى تۇلعالاردىڭ ەسىمدەرى جاڭعىرتىلىپ جاتقانىن ايتتى.

«اقمولا وبلىسى سال-سەرىلەر ەلى بولىپ ەسەپتەلەدى. ءبىزدىڭ وبلىس ءبىرجان سال، اقان سەرى، بالۋان شولاق، ۇكىلى ىبىراي جانە دە باسقا تۇلعالاردىڭ ەلى. ولاردىڭ شىعارمالارى حالىقتىڭ دۇنيە تانىمىن بايىتىپ، ۇلتتىق قۇندىلىقتار دەڭگەيىنە اينالدى. قازىر وبلىستا ايماقتىڭ ايگىلى تۇلعالارىن ودان ءارى ناسيحاتتاۋ ءۇشىن كوپتەگەن جۇمىستار جۇرگىزىلۋدە. 2017-جىل اقمولالىقتار ءۇشىن ايتۋلى كەزەڭ بولدى. پرەزيدەنت جارلىعىمەن ءبىزدىڭ وبلىستىڭ ەڭبەكشىلدەر اۋدانىنا ءبىرجان سال اتامىزدىڭ ەسىمى، وبلىستىق فيلارمونياعا ۇكىلى ىبىراي، كوكشەتاۋ قالاسىنداعى ۇلتتىق سپورت تۇرلەرى بويىنشا بالالار مەن جاس وسپىرىمدەر سپورت مەكتەبىنە بالۋان شولاق اتالارىمىزدىڭ ەسىمدەرى بەرىلدى. بۇل شارالار جاس ۇرپاقتى تاربيەلەۋ جانە قوعامداعى رۋحاني بىرلىكتى ودان ءارى نىعايتۋعا مۇمكىندىك بەرەدى دەپ سەنەمىن»، - دەدى ايماق باسشىسى.

سوڭعى جاڭالىقتار