جامبىل پروكۋراتۋراسى شەتەلدەگى ءدىني وقۋ ورىندارىنان 11 ستۋدەنتتى قايتاردى
«سوڭعى ۋاقىتتا قوعامدا بەلسەندى تالقىلاناتىن كوكەيكەستى تاقىرىپتاردىڭ ءبىرى، ءدىني ەكسترەميزم»، - دەدى وبلىس پروكۋراتۋراسىنىڭ القا ماجىلىسىندە جامبىل وبلىسىنىڭ پروكۋرورى ەرنات سىبانقۇلوۆ.
- اتالعان باعىت بويىنشا بيىل وبلىس پروكۋراتۋراسىنىڭ ورگاندارى اتقارعان جۇمىستار جاعدايعا وڭ اسەر ەتەدى دەپ ۇمىتتەنەمىز. ماسەلەن، قازىرگى ۋاقىتتا وبلىسىمىزدىڭ 23 تۇرعىنى شەتەلدىك ءدىني وقۋ ورىندارىندا ءبىلىم الۋدا. ولار ءبىلىم العان ەلدەگى ءدىني كوزقاراس ءبىزدىڭ داستۇرىمىزگە ساي ەمەس جانە ولار ەلگە ورالىپ، سول ەلدىڭ كوزقاراستارىن ناسيحاتتاۋى مۇمكىن». بيىلعى جىلدىڭ ەكىنشى جارتىسىندا «جاستار جانە ءدىن» جوباسىن جۇزەگە اسىرۋ اياسىندا وبلىس پروكۋراتۋراسى 11 ستۋدەنتتى شەتەلدەن قايتاردى، دەپ اتاپ ءوتتى وبلىس پروكۋرورى.
وقۋىن جالعاستىرعىسى كەلگەن ستۋدەنتتەرگە تەورەيالىق ءبىلىم بەرۋ مەكەمەلەرىندە وقۋ ۇسىنىلدى، وزگە تۇلعالار جۇمىسقا ورنالاستى. پروكۋراتۋرا قىزمەتكەرلەرىنىڭ پىكىرىنشە، بۇل شارالار ەلدەگى ءداستۇرلى ەمەس ءدىني اعىمداردىڭ تارالۋ قاۋپىن ازايتادى.
