ق ر مادەنيەت جانە سپورت مينسترىنىڭ ايەلى 11 ميلليون تەڭگەگە كارتينالار ساتىپ الدى

استانا. قازاقپارات - عاليا ىسقاقوۆا قايىرىمدىلىق ساۋداسىنداعى ەڭ جومارت مەسەنات اتاندى.

ول بالالار ءۇشىن رەكوردتىق سوماداعى اقشا جۇمسادى.

بۇل تۋرالى informburo.kz حابارلايدى.

«اۋتيزم بالالار كوزىمەن» دەپ اتالاتىن ءۇش ۇزدىك جۇمىس Charity tour de Burabay قايىرىمدىلىق اۋكسيونىنا قويىلدى. بۇل كارتينالاردا ءوز قۇرداستارى تۋرالى بالالاردىڭ فانتازيالارى كورىنىس تاپقان.

«مەن مۇنداي اكسياعا ءبىرىنشى رەت قاتىسىپ وتىرعانىم جوق. بۇل جولعى كورمە ماعان ءتىپتى جاقىن، سەبەبى مەن - ونەرتانۋ كانديداتىمىن. سول سەبەپتى جاس اۆتورلاردىڭ جۇمىستارى ولاردىڭ اۋرۋ بولعانىنا قاراماستان وتە كەرەمەت شىققان. ولاردىڭ تالانتتارىنا تامسانۋعا بولادى. مەن ءتىپتى باسقا كارتينالاردىڭ باعاسىن دا بىلمەيمىن، ءبىراق مەندە تەك ساتىپ الامىن دەگەن ءبىر عانا ماقسات بولدى»، - دەدى مادەنيەت جانە سپورت ءمينيسترى ارىستانبەك مۇحامەدي ۇلىنىڭ كەلىنشەگى.

قايىرىمدىلىق اۋكسيونىنىڭ ۇيىمداستىرۋشىلارى جالپى سانى 50 ميلليون تەڭگە جيناعان. ولار ءاۋ باستا 20 ميلليون جيناساق دەگەن ماقسات قويعان ەكەن. ەڭ ۇزدىك ساتىلىمعا يە بولعان گەنناديي گولوۆكيننىڭ قولعابى، دميتري بالانديننىڭ جەيدەسى جانە فابيو ارۋدىڭ ۆەلوسيپەدى بولدى.