كارىم ءماسىموۆ ۇلان-باتىرداعى 11- اس ە م سامميتىنە قاتىستى - فوتو
وسىنداي جوعارى ديالوگ الاڭىنا قازاقستاننىڭ اتىنان ق ر پرەمەر-ءمينيسترى كارىم ءماسىموۆ قاتىستى، دەپ حابارلايدى Pm.kz.
پلەنارلىق سەسسيا باستالار الدىندا سامميت قاتىسۋشىلارىمەن بىرگە.
سامميت الاڭىندا سويلەگەن سوزىندە ك. ءماسىموۆ قازاقستاننىڭ جەتىستىكتەرى حالىقارالىق كووپەراتسيا يدەيالارىن بەلسەندى ىلگەرىلەتىپ جۇرگەن ەلباسى نۇرسۇلتان نازاربايەۆتىڭ ەڭبەگىنسىز مۇمكىن بولماس ەدى دەدى.
سامميت اياسىندا ك. ءماسىموۆ ءبىرقاتار ەكى جاقتى كەزدەسۋلەر وتكىزدى.
موڭعوليا پرەزيدەنتى ساحياگيين ەلبەگدورجبەن اڭگىمەلەسۋ بارىسىندا ساۋدا جانە ينۆەستيتسيالار سالاسىنداعى ەكى جاقتى ءوزارا ءىس- قيمىلدى كەڭەيتۋدىڭ اعىمداعى جاعدايى مەن پەرسپەكتيۆالارى تالقىلاندى.
ك. ءماسىموۆ چەحيا رەسپۋبليكاسىنىڭ پرەزيدەنتى ميلوش زەمانمەن كەزدەسۋ بارىسىندا ماشينا جاساۋ جانە اۋىل شارۋاشىلىعى سالالارىنداعى قازاقستاندىق- چەح ىنتىماقتاستىعىن دامىتۋعا الەۋەتتى اتاپ ءوتىپ، قازاقستان چەحيانى ماڭىزدى ەكونوميكالىق سەرىكتەستەرىنىڭ ءبىرى رەتىندە قاراستىراتىنىن ايتتى.
موڭعول ارىپتەسى جارگالتۋلگا ەردەنەباتپەن ك. ءماسىموۆ ەلدەردىڭ اراسىنداعى بيزنەس بايلانىستاردى نىعايتۋ ماسەلەلەرىن تالقىلادى.
فينليانديا پرەمەر- ءمينيسترى يۋحوي سيپيليامەن اڭگىمەلەسۋ بارىسىندا ك. ءماسىموۆ فيندىك سەرىكتەستەردى قازاقستان اۋماعىندا بىرلەسكەن جوبالاردى جۇزەگە اسىرۋعا قاتىسۋعا شاقىردى.
ءوزارا ساۋدا جانە ينۆەستيتسيالاردى ارتتىرۋعا جانە كەڭەيتۋگە مۇمكىندىكتەر رۋمىنيا پرەمەر- ءمينيسترى داچيان چولوشپەن كەزدەسۋ بارىسىندا قارالدى.
ك. ءماسىموۆ پەن نيدەرلاندىدان كەلگەن ارىپتەسى مارك ريۋتتە ساۋدا- ينۆەستيتسيالىق بايلانىستاردى ودان ءارى نىعايتۋعا مۇددەلىلىكتەرىن قۇپتادى.
سامميت «شىڭعىسحان حۋرەە» تۋريستىك كەشەنىندە وتكەن «Nomadic Naadam» مەرەكەلىك كونسەرتىمەن اياقتالدى.