الماتىعا 11 مىڭ شاقىرىم جول ءجۇرىپ، «ماڭگىلىك ەل» پويىزى كەلدى - فوتو
بۇل اكسيا قازاقستان تاۋەلسىزدىگىنىڭ 25 جىلدىعىنا ارنالعان بولاتىن.
اكسياعا قاتىسۋشىلار استانا قالاسىنان 15 - اقپاندا جولعا شىعىپ، ەلىمىزدىڭ 33 ەلدى مەكەنىندە تۇرعىندارعا قۇقىقتىق، مەديتسينالىق، قارجىلىق جانە باسقا دا سالالار بويىنشا اقىل- كەڭەستەر بەردى. بۇگىن پويىز سوڭعى پۋنكت - الماتى قالاسىنا كەلىپ توقتادى.
ءوز سوزىندە الماتى قالاسى اكىمىنىڭ ورىنباسارى رۋميل تاۋفيكوۆ اكسياعا قاتىسۋشىلاردى جىلى لەبىزبەن قارسى الىپ، سوڭعى ءبىر اي ىشىندە ەلىمىزدىڭ مىڭداعان تۇرعىندارىنا اكسياعا قاتىسۋشىلار تاراپىنان ماڭىزدى الەۋمەتتىك كومەكتەر كورسەتىلگەندىگىن اتاپ ءوتتى.
«بۇل اكسيا قازاقستاندا ۇلتارالىق تاتۋلىقتىڭ نىعايا تۇسۋىنە زور سەپتىگىن تيگىزەدى. تۇراقتىلىق، بەيبىتشىلىك جانە كەلىسىم - ءبىزدىڭ باستى قۇندىلىقتارىمىزعا جاتادى. ال «ماڭگىلىك ەل» جالپى ۇلتتىق يدەياسى ەلىمىزدىڭ رۋحاني نەگىزىنە اينالۋدا»، - دەدى ر. تاۋفيكوۆ.
دەلەگاتسيا قۇرامىندا قازاقستان حالقى اسسامبلەياسى، ق ر ينۆەستيتسيالار جانە دامۋ مينيسترلىگى، ق ر قارجى مينيسترلىگى جانە باسقا دا بەيىندى ۆەدومستۆالاردىڭ وكىلدەرى، سونداي- اق، مەديتسينالىق قىزمەتكەرلەر بار.
«سوڭعى 25 جىل ىشىندە قازاقستان حالقى زور جەتىستىكتەرگە قول جەتكىزدى. ءبىز ەندى مۇنىمەن شەكتەلىپ قالماۋىمىز كەرەك. اكسياعا قاتىسۋشىلار كەڭ- بايتاق قازاقستاننىڭ بارلىق وڭىرلەرىندە بولىپ، تۇرعىندارمەن كەزدەسۋلەر وتكىزىپ، نەگىزگى الەۋمەتتىك ماسەلەلەردى انىقتادى جانە حالىققا «ماڭگىلىك ەل» يدەياسىنىڭ نەگىزگى قۇندىلىقتارىن ءتۇسىندىردى. 11 مىڭ شاقىرىم جول جۇرە وتىرىپ، 55 مىڭنان استام ادامدى قابىلداپپىز. ولاردىڭ ىشىندە 3 مىڭ ادامعا جوعارى بىلىكتى ماماندار مەديتسينالىق اقىل- كەڭەستەر بەردى»، - دەدى دەلەگاتسيا مۇشەسى، جازۋشى، تاريحشى عالىم ءامىرجان الپەيىسوۆ.
بۇگىن پويىز دەلەگاتسياسى الماتىدا ءار ءتۇرلى شارالارعا قاتىسىپ، «ماڭگىلىك ەل» اكسياسىن قورىتىندىلاپ، ءوز ويلارىمەن بولىسەدى.
