ازەربايجاندا 11 بانك جويىلادى
ازەربايجان ورتالىق بانكىنىڭ (ءا و ب) ەسەبىنە سايكەس، 2015-جىلدىڭ قورىتىندىلارى بويىنشا، جويىلۋ پروتسەسىندە ليتسەنزيالارى 2008-جىلى شاقىرتىلعان «Poctbank» پەن «Atlantbank», «Debutbank» (2010-جىل)، «Birlik Bank» (2011 -جىل)، «Royal Bank» (2012-جىل)، «Evrobank» پەن «Azerbaijan Credit Bank» (ليتسەنزيالارى 2015-جىلى جويىلعان) تۇر.
بۇدان باسقا، 2016-جىلدىڭ باسىنان بەرى ءا و ب تاعى 7 بانكتىڭ («Bank of Azerbaijan», «Gandja Bank», «United Credit Bank», «NBCBank», «Atra Bank», «كاۆكاز دامۋ بانكى» جانە «Texnika Bank») ليتسەنزيالارىن الىپ قويعان.
الايدا، كەيىنىرەك ورتالىق بانك NBC Bank-ءتىڭ بىرىگۋ بويىنشا جوسپارلارىنا بايلانىستى ليتسەنزياسىن قالپىنا كەلتىردى. وسىعان ۇقساس جوسپارلار سونداي-اق، كاۆكاز دامۋ بانكى مەن Atra Bank-تە بار، قازىرگى كەزدە ولار نارىقتا قىزمەت ەتىپ وتىرعان بانكتەرمەن كەلىسسوزدەر جۇرگىزىپ جاتىر.
ازەربايجاننىڭ بانك نارىعىندا بارلىعى 36 بانك قىزمەت اتقارادى، سونىڭ ىشىندە ەكى بانك - ازەربايجاننىڭ حالىقارالىق بانكى مەن AzerTurk Bank مەملەكەتتىڭ قاتىسۋىمەن جۇمىس ىستەيدى.
2015-جىلى ەلدە 750 فيليالى جانە 164 بولىمشەسى بار 41 بانك جۇمىس ىستەگەن. وتكەن جىلدىڭ قورىتىندىلارى بويىنشا 21 بانك شەتەلدىك كاپيتالدىڭ قاتىسۋىمەن جۇمىس ىستەگەن. سونىمەن قاتار، 2015-جىلى ەلدىڭ سىرتىندا جەرگىلىكتى بانكتاردىڭ 9 قۇرىلىمى، سونىڭ ىشىندە 5 ەنشىلەس قۇرىلىم (كاۆاكاز دامۋ بانكىنىڭ گرۋزيادا، ازەربايجان حالىقارالىق بانكىنىڭ گرۋزيا مەن رەسەيدە، PASHA Bank- ءتىڭ گرۋزيا مەن تۇركيادا) قىزمەت اتقارعان.
