14:55, 24 - قىركۇيەك 2014 | GMT +5
ن. نازاربايەۆ پەن ۆ. پۋتين 11- ءوڭىرارالىق ىنتىماقتاستىق فورۋمىنا قاتىسادى
استانا. قازاقپارات - 30- قىركۇيەكتە اتىراۋدا قازاقستان مەن رەسەيدىڭ XI ءوڭىرارالىق ىنتىماقتاستىق فورۋمى وتەدى، ونىڭ جۇمىسىنا پرەزيدەنتتەر نۇرسۇلتان نازاربايەۆ پەن ۆلاديمير پۋتين قاتىسادى.
بۇل تۋرالى اقوردانىڭ باسپا ءسوز قىزمەتىنەن حابارلادى.
القالى جيىن بارىسىندا «كومىرسۋتەك سالاسىنداعى يننوۆاتسيالار» تاقىرىبىنداعى ءىس-شارا اياسىندا زاماناۋي تەحنولوگيالاردى مۇناي-گاز سالاسىندا قولدانۋ، وسى باعىتتاعى ەكىجاقتى ىنتىماقتاستىقتى دامىتۋ ماسەلەلەرىن تالقىلاۋ قاراستىرىلعان»، دەلىنگەن حابارلامادا.
فورۋم كاسىپورىنداردىڭ ينۆەستيتسيا جانە كومىرسۋتەك سەكتورىنداعى يننوۆاتسيالار سالاسىنداعى قارىم-قاتىستارىن كەڭەيتۋگە جانە جاڭا بايلانىستار ورناتۋعا، ەكى مەملەكەتتىڭ ىسكەر جانە قوعامدىق توپتارىنا جان-جاقتى قولداۋ كورسەتۋگە باعىتتالعان.
