قازاقستاننىڭ ورتا مەكتەپتەرىندە شەتەلدەردەن كوشىپ كەلگەن قانداستارىمىزدىڭ 11 مىڭ بالاسى وقىپ جاتىر
بۇل تۋرالى ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ كەڭەيتىلگەن وتىرىسىندا ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.
«ەلىمىزدە قازاقستان رەسپۋبليكاسىندا تۇراقتى تۇراتىن ازاماتتىعى جوق تۇلعالاردىڭ جانە شەتەل ازاماتتارىنىڭ ءبىلىم الۋداعى كونستيتۋتسيالىق قۇقىقتارى قامتاماسىز ەتىلگەن. مەكتەپتەردە باسقا ەلدەردەن كەلگەن 20600 بالا ءبىلىم الۋدا» ، - دەدى ول.
سونىمەن قاتار ءمينيستردىڭ اتاپ وتۋىنشە، رەسپۋبليكانىڭ ورتا ءبىلىم بەرەتىن مەكتەپتەرىندە شەتەلدەردەن كوشىپ كەلگەن قانداستارىمىزدىڭ 11 مىڭ بالاسى وقىپ جاتىر. ولاردىڭ ىشىندە 4700 بالا باستاۋىش، ال 6300 بالا نەگىزگى مەكتەپتەردە ءبىلىم الۋدا.
«رەسپۋبليكادا سانى از ۇلىستار ءۇشىن انا ءتىلىن مەڭگەرۋگە جاعداي جاسالعان. 2013-2014 وقۋ جىلىندا رەسپۋبليكادا وزبەك تىلىندەگى 57, ۇيعىر تىلىندەگى 14, تاجىك تىلىندەگى 2 مەكتەپ جۇمىس ىستەدى» ، - دەدى ا. ءسارىنجىپوۆ.
ونىڭ العا تارتقان دەرەكتەرىنە قاراعاندا، وزبەك تىلىندە 78 مىڭ، ۇيعىر تىلىندە 14 مىڭ، ال تاجىك تىلىندە شامامەن 5 مىڭ بالا وقيدى. سونىمەن قاتار وزبەك تىلىندە وقىتاتىن سىنىپتارى بار ارالاس مەكتەپتەر سانى - 91, ۇيعىر تىلىندە - 48, ال تاجىك تىلىندە - 9.
اۆتور: مارلان جيەمباي
