قازاقستان بيىلعى جىلى كەدەن وداعى ەلدەرىنە 11 مىڭ كولىك پەن اۆتوبۋس ەكسپورتتاماق
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە ق ر ەكونوميكا جانە بيۋدجەتتىك جوسپارلاۋ مينيسترلىگى «ساۋدا ساياساتىن دامىتۋ ورتالىعى» ا ق باسشىسى رۋسلان سۇلتانوۆ ءمالىم ەتتى.
«2013 - جىلى Hyundai Auto Trans الدىڭعى جىلدىڭ كورسەتكىشىن 22 پايىزعا ارتتىرىپ، بەلارۋسكە اۆتوتەحنيكانىڭ 318 بىرلىگىن ەكسپورتتادى. ال 2014 - جىلدىڭ جوسپارلى ماقساتى 11 مىڭ جەڭىل، جۇك اۆتوكولىكتەرى مەن اۆتوبۋستاردى ەكسپورتتاۋ»، - دەدى ول.
ونىڭ ايتۋىنشا، ىقپالداستىق - ەلدىڭ ۇدەمەلى يندۋستريالاندىرۋ ساياساتىنا ۇلكەن سەرپىن بەرىپ وتىر. «ونىڭ ءىرى مۋلتيپليكاتيۆتى اسەرى بار، سونىڭ ىشىندە قازاقستان ءۇشىن مۇلدە جاڭا فارمونەركاسىبى, اۆتوكولىك قۇراستىرۋ سياقتى سالالارىندا جاڭا كاسىپورىندار اشىلىپ جاتىر»، - دەپ ءتۇيدى ءسوزىن ر. سۇلتانوۆ.
اۆتور: جاسۇلان جولدىبايەۆ
