قازاقستاندا كوروناۆيرۋس جۇقتىرعان 119 ادام جانساقتاۋ بولىمىندە جاتىر
بۇل تۋرالى دەنساۋلىق ساقتاۋ ۆيتسە- ءمينيسترى ءلاززات اقتايەۆا ءمالىم ەتتى، دەپ حابارلايدى قازاقپارات ءتىلشىسى.
«ستاتسيونارلاردا 5795 پاتسيەنت بار. ونىڭ 85 پايىزىنىڭ جاعدايى قاناعاتتانارلىق. 12,8 پايىزىنىڭ جاعدايى - ورتاشا دارەجەدە. 119 ادام جانساقتاۋ بولىمىندە»، - دەدى ءلاززات اقتايەۆا دەنساۋلىق ساقتاۋ مينيسترلىگىنىڭ «مينيسترلىك حابارلايدى» ايدارى بويىنشا Facebook-تەن سويلەگەن سوزىندە.
ۆيتسە- ءمينيستردىڭ مالىمەتىنشە، بۇگىنگە دەيىن 9388 ادام جازىلىپ، ۇيىنە قايتقان. ءبىر تاۋلىكتىڭ ىشىندە 200 پاتسيەنت وڭالعان.
«جۇقتىرۋ ءوسىمى وتكەن اپتادا اقتوبە وبلىسىندا 3,6 ەسە، قاراعاندى وبلىسىندا 2,8 ەسە، اتىراۋ وبلىسىندا 2,5 ەسە، س ق و- دا 2,4 ەسە، شىمكەنت قالاسى مەن اقمولا وبلىسىندا 2 ەسە وسكەن. باسقا وڭىرلەردە 2 ەسەدەن از مولشەردە كەزدەستى»، - دەدى ءلاززات اقتايەۆا.
ءلاززات اقتايەۆانىڭ ايتۋىنا قاراعاندا، ءبىر تاۋلىكتە قازاقستاندا 23647 تەست جۇرگىزىلگەن. ايتا كەتسەك، بۇعان دەيىن ءلاززات اقتايەۆا قازاقستاندىقتاردىڭ جەدەل جاردەم قىزمەتىن ءجيى شاقىرا باستاعانىن ءمالىم ەتكەن بولاتىن.
اۆتور: ايان بەكەن ۇلى
