سىرتتان كەلگەن قانداستارعا 1190 ءبىلىم گرانتى ءبولىندى
كوميسسيا قۇرامىندا مەملەكەتتىك ورگان قىزمەتكەرلەرى، ق ر ۇلتتىق كاسىپكەرلەر پالاتاسى، قازاقستاننىڭ ازاماتتار اليانسى، عىلىم جانە ءبىلىم قىزمەتكەرلەرى كاسىپوداعىنىڭ وكىلدەرى، جوعارى وقۋ ورىندارىنىڭ رەكتورلارى بار.
سوڭعى جىلدارى ق ر ب ع م ستۋدەنتتىك ورتانى قۇرۋ جانە تاڭداۋ ساپاسىن جوعارىلاتۋ باعىتىندا ق ر ب ع م ءبىرقاتار جۇيەلى شارالار جۇرگىزدى. كوميسسيا وتىرىسىندا جوعارى وقۋ ورىندارىنا وقۋشىلاردى قابىلداۋ بويىنشا دايىندىق جۇمىستارىنىڭ قورىتىندىسىن شىعارۋ جوسپارلانۋدا. بيىل جالپى سانى 32168 گرانت ءبولىندى. ونىڭ ىشىندە 500 ورىن ج و و دايىندىق بولىمدەرى اراسىندا بولىنگەن جانە 29668 گرانت 1 -كۋرسقا قابىلداۋعا ارنالعان. كۇندىزگى وقۋ ءبولىمى گرانتتارىنىڭ سانى - 29168, سىرتتاي - 500. ءبىلىم گرانتتارىن ورنالاستىرۋ قۇقىعىن كونكۋرستىق تۇردە انىقتالعان 60 جوعارى وقۋ ورنى الدى، - دەيدى ءبىلىم جانە عىلىم ءمينيسترى.
كوميسسيا جينالىسىندا اسلان ءسارىنجىپوۆ مەملەكەتتىك تاپسىرىس قۇرىلىمى ۇستىمىزدەگى جىلى قايتا قارالعاندىعىن اتاپ ءوتتى.
- مەملەكەتتىڭ الەۋمەتتىك- ەكونوميكالىق دامۋىندا ستراتەگيالىق باسىمدىققا، بارىنەن بۇرىن، ەلباسىمەن جاريالانعان يننوۆاتسيوندى- يندۋستريالدى دامۋ كۋرسىنا كوپ كوڭىل بولىنگەن. سونىمەن قاتار اگروونەركاسىپ كەشەنىن دامىتۋ نازارعا الىنعان. وسىنداي مەملەكەتتىك تاپسىرىستار ەڭبەك نارىعىندا جوعارى بىلىكتى كادرلاردى دايىنداۋ قۇرىلىمىن ءتيىمدى قالىپتاستىرۋعا اسەر ەتەدى، - دەيدى ول.
ايتا كەتەيىك، ءبىلىم بەرۋ گرانتىن تاعايىنداۋ كەزىندە مىنانداي الەۋمەتتىك توپتارعا كۆوتا بولىنگەن. جەتىم بالالارعا - 483 (بىلتىر 426 بولعان)، I، II توپتاعى مۇگەدەكتەر - 341 ( 2014 -جىلى - 356)، سوعىس قاتىسۋشىلارىنا تەڭەستىرىلگەن جەڭىلدىكتەر مەن كەپىلدىكتەر بويىنشا - 20 ابيتۋرەنت(2014 - 5)، قازاقستان رەسپۋبليكاسىنىڭ ازاماتى بولىپ تابىلمايتىن، قازاق ۇلتىنىڭ وكىلدەرى - 1190(2014 ج. - 1194).
Baq.kz
