ءدىني ماسەلەلەر بويىنشا 114 جەلىسىنە حابارلاسىپ، اقىل-كەڭەس الۋعا بولادى
جوبانىڭ جۇمىسىن 2020 -جىلدىڭ تامىز ايىندا مينيسترلىكتىڭ قولداۋىمەن «ازاماتتىق باستامالاردى قولداۋ ورتالىعى» كەاق مەملەكەتتىك گرانتى اياسىندا «Social Development Center» قوعامدىق قورى باستادى. 114 قاۋىرت جەلىسى - دىنگە قاتىستى ماسەلەلەر بويىنشا كومەككە مۇقتاج بارلىق ادامدار ءۇشىن تەگىن سەنىم تەلەفونى جانە چات-سايت.
قۇرامىندا تانىمال پسيحولوگ، ق ر پسيحولوگتار مەن پسيحوتەراپيەۆتەر قاۋىمداستىعىنىڭ مۇشەسى - لولا شاكيموۆا، «جۋسان» ارنايى وپەراتسياسىنا قاتىسۋشى، تەولوگ - اسلانبەك تىنىشتىقوۆ، زاڭگەر، PhD دوكتور - سەرىكحان ءادىلعازى سەكىلدى بەلگىلى ماماندار مەن ءدىنتانۋ جانە يسلامتانۋ سالاسىنداعى ساراپشىلار، وڭالتۋ ورتالىقتارىنىڭ تەولوگتارى بار تاجىريبەلى ماماندار توبى اقىل-كەڭەس بەرەدى. بۇگىنگى تاڭدا 114 قاۋىرت جەلىسى» ءوز جۇمىسىنىڭ تيىمدىلىگىن دالەلدەپ وتىر. كۇن سايىن وپەراتورلار 20 دان 40 قا دەيىن وتىنىشتەر قابىلدايدى. ماماندار ماسەلەنىڭ سيپاتىنا بايلانىستى ءار جەكە جاعدايدى بولەك تالدايدى. ولار كوبىنە ءدىندار ادامدار مەن قاراپايىم ادامداردىڭ قارىم- قاتىناسى، بالا تاربيەسىندەگى ءدىننىڭ ءرولى، يسلامداعى نەكە جانە ءداستۇر سياقتى تاقىرىپتارعا سۇراقتار قويادى.
تاعى ءبىر ءجيى قوزعالاتىن ماسەلە - پاندەميا كەزىندە ءدىني راسىمدەردى ورىنداۋ. كەي جاعدايلاردا دەسترۋكتيۆتى اعىمداردىڭ، ءتۇرلى سەكتالاردىڭ حابارلاسۋشىنىڭ جاقىن تۋىستارىنا تىكەلەي ىقپال ەتىپ جاتقانى جايلى ءسوز بولادى. مۇنداي ادامدارعا كاسىبي پسيحولوگيالىق قولداۋ كورسەتىلەدى. قانداي جاعدايدا 114 قاۋىرت جەلىسىنە جۇگىنۋ قاجەت؟
ەگەر سىزگە ءدىن ماسەلەلەرى بويىنشا اقپاراتتىق جانە كونسۋلتاتسيالىق كومەك قاجەت بولسا. ەگەر ءسىز دەسترۋكتيۆتى ءدىني اعىمداردىڭ ىقپالىنا تۇسسەڭىز. ەگەر سىزگە ءدىني ماسەلەلەرگە بايلانىستى پسيحولوگيالىق جانە زاڭگەرلىك كومەك قاجەت بولسا.
«114 قاۋىرت جەلى» ماماندارىمەن قالاي بايلانىسۋعا بولادى؟ حابارلاسۋ ءۇشىن وزىڭىزگە ىڭعايلى ءادىستى تاڭداي الاسىز: 114 نەمەسە 88000805114 قىسقا نومىرىنە قوڭىراۋ شالىڭىز.
نەمەسە جوبانىڭ 114.kz/questions سايتىنان ونلاين- كەڭەس الىڭىز. جەدەل جەلى نۇر-سۇلتان ۋاقىتى بويىنشا ساعات 9:00-18:00 ارالىعىندا اپتاسىنا 7 كۇن جۇمىس ىستەيدى. بارلىق كونسۋلتاتسيالار تەگىن جانە قۇپيا تۇردە وتەدى.
اۆتور: بالنۇر قوجاگەلدى
