ازاماتتار قازاقستانعا جەڭىلدىكپەن 11,5 مىڭ ەلەكتروموبيل اكەلە الادى

استانا. قازاقپارات - بۇگىنگى تاڭدا ق ر اۋماعىنا كەدەندىك باجدار مەن سالىقتاردى تولەۋدەن بوساتىلا وتىرىپ، 3442 ەلەكتروموبيل اكەلىندى. ياعني، 2023 -جىلدىڭ سوڭىنا دەيىن وسىلاي تاعى 11558 ەلەكتروموبيل اكەلۋگە مۇمكىندىك بار، دەپ حابارلايدى ق ر قارجى مينيسترلىگىنىڭ باسپا ءسوز قىزمەتى.
None

بۇعان دەيىن ەۋرازيالىق ەكونوميكالىق كوميسسيا كەڭەسىنىڭ 2022 -جىلعى 17 -ناۋرىزداعى № 39 شەشىمىمەن 2022 جانە 2023 -جىلدارى ەلەكتروموبيلدەرگە باجسىز اكەلۋ مۇمكىندىگى بەرىلگەن بولاتىن. ە ە ك شەشىمىنە سايكەس 2023 -جىلى ەلەكتروموبيلدەردى جەڭىلدىكپەن اكەلۋگە بەرىلگەن رۇقسات 15 مىڭ ەلەكتروموبيل بىرلىگىن قۇرايدى.

قازىرگى ۋاقىتتا قىرعىز رەسپۋبليكاسىنىڭ باستاماسى بويىنشا ەۋرازيالىق ەكونوميكالىق كوميسسيا الاڭىندا باجسىز اكەلۋ مۇمكىندىگىن 2025 -جىلعا دەيىن ۇزارتۋ تۋرالى ماسەلە قارالىپ جاتقانىن اتاپ ءوتۋ ماڭىزدى.

الايدا، جوعارىدا اتالعان ۇلەس شەڭبەرىندە كەدەندىك باج سالىعىن تولەۋدەن بوساتىپ، ءبىراق ق ق س تولەي وتىرىپ، ەلەكتروموبيلدى اكەلۋدىڭ باسقا مۇمكىندىگى بار ەكەنىن ەسكەرۋ ماڭىزدى. بۇل جاعدايدا دۇنيەجۇزىلىك ساۋدا ۇيىمىنىڭ ستاۆكالارى بويىنشا تاۋارلارعا دەكلاراتسيا تاپسىرۋ قاجەت.


سوڭعى جاڭالىقتار