ءبىر اۋلەتتىڭ 11 ادامى سۋعا كەتتى: سۋدان شىعارىلعان 3 ادام اۋرۋحانادا جاتىر

تۇركىستان. قازاقپارات - تۇركىستان وبلىسىندا سىرداريا سۋىنان تابىلعان 3 ادام اۋرۋحانادا جاتىر، دەپ حابارلايدى قازاقپارات ءتىلشىسى.

دارىگەرلەردىڭ ايتۋىنشا، بارشاسىنىڭ جاعدايىلارى جاقسى. قازىر قاجەتتى ەم-دومدارىن الىپ جاتىر.

«وقيعا كۇنى سۋدان قۇتقارىلعان ءۇش ادام اۋرۋحاناعا جاتقىزىلدى. ولاردىڭ ءبىرى 49 جاستا بولسا، قالعانى 8 جانە 9 جاستاعى جاس ءوسپىرىم. قازىرگى تاڭدا جاعدايلارى جاقسى، ءبىرقالىپتى. ال، ودان بولەك، 2 جۇكتى ايەل مەديتسينالىق كومەككە جۇگىنگەن. ولار سۋعا تۇسپەگەن، تەك وقيعادان قورقىپ قالعان. دارىگەرلەردىڭ قاراۋىنان كەيىن ۇيلەرىنە قايتارىلدى»، - دەلىنگەن تۇركىستان وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى ۇسىنعان اقپاراتتا.

ايتا كەتەيىك، تۇركىستان وبلىسىندا سىردارياعا شومىلعان 11 ادام سۋعا باتىپ كەتتى.

ولاردىڭ بارشاسى ءبىر اۋلەتتىڭ ادامدارى.

ال، كەشە قۇتقارۋشىلار سىرداريا وزەنىنە باتىپ كەتكەن 11-ادامنىڭ دەنەسى تاپتى.