قازاقستان 10 جىلدا قانشا عالىمدى جوعالتقانى بەلگىلى بولدى
«ءبىز عالىمدارىمىزدىڭ ءبىرازىنان، ياعني عىلىممەن اينالىساتىن جاستاعى ادامداردىڭ نەگىزگى بولىگىن جوعالتتىق. ولار كەڭەستىك كەزەڭدە عىلىمي ۇيىمدار دايىنداعان عالىمداردىڭ ءۇشىنشى تولقىنى ەدى. وداق ىدىراعاننان كەيىن عالىمدار تۇراقتامادى. قاراپايىم ستاتيستيكاعا سۇيەنسەك، 1990 -جىلى بىزدە عىلىمي- زەرتتەۋ ينستيتۋتتارىنىڭ 52000 قىزمەتكەرى مەن عىلىممەن اينالىسقان پروفەسسورلىق- وقىتۋشىلىق قۇرامى رەسمي تۇردە تىركەلگەن. 2000 -جىلى نەمەسە 10 جىلدان كەيىن 12 مىڭى قالدى. ناقتى ايتقاندا 30 مىڭنان استام ادامدى جوعالتتىق»، - دەدى س. نۇربەك قازاقستاندا جاڭارتىلاتىن ەنەرگيا كوزدەرىن دامىتۋعا ارنالعان كونفەرەنسيادا.
وسى ورايدا مينيستر قازىر شەتەلگە كەتكەن عالىمدار عىلىمي جوبالارمەن تابىستى تۇردە اينالىسىپ جاتقانىن ايتتى.
«قازىر قازاقستان جوعالعان كادرلىق الەۋەتتى قالپىنا كەلتىرۋگە كىرىستى. «بولاشاق» باعدارلاماسى، نازاربايەۆ ۋنيۆەرسيتەتى بار، سونداي- اق عالىمداردىڭ جاڭا بۋىنى ءوسىپ كەلە جاتىر. ءبىز جالاقىنى دا، الەۋمەتتىك پاكەتتى دە ايتارلىقتاي كوبەيتىپ جاتىرمىز. جاڭا زاڭدا عالىمدارعا قولداۋ كورسەتۋ باعىتىندا الەۋمەتتىك قامتاماسىز ەتۋ مەن ءتيىستى پاكەت بويىنشا جەكە بلوك قامتىلعان»، - دەدى ۆەدومسۆو باسشىسى.
بۇدان بۇرىن حابارلانعانداي، بيىل كۇزدە پارلامەنت قاراۋىنا «عىلىم جانە تەحنيكالىق ساياسات تۋرالى» زاڭ جوباسى ۇسىنىلادى.
