قازاقستاندىق 10 بوكسشى ازيا چەمپيوناتىندا جۇلدەگەر اتانىپ ۇلگەردى

استانا. قازاقپارات - بوكستان 22 جاسقا دەيىنگى جاستار اراسىنداعى ازيا چەمپيوناتىندا قازاقستاندىق 10 سپورتشى جۇلدەگە قول جەتكىزىپ ۇلگەردى، دەپ حابارلايدى قازاقپارات ءتىلشىسى.

ايتا كەتسەك، قۇرلىقتىق دودا تايلاند استاناسى بانگكوك قالاسىندا وتكىزىلەدى.

ەرلەر اراسىندا سەرىك ابزال (67 كەلى)، ەرحات بەكزات (92 كەلى) جانە امانات سابىرعالي (92 كەلىدەن جوعارى)، ايەلدەردە انەل ساقىش (54 كەلى)، شاحناز يسايەۆا (60 كەلى)، نازەركە سەرىك (63 كەلى)، اقنار يشانوۆا (66 كەلى)، جاسمين قيزاتوۆا (70 كەلى)، دانا ديداي (75 كەلى) جانە گۇلسايا ەرجان (81 كەلى) العاشقى جەكپە-جەگىن جارتىلاي فينالدا باستايدى.

ولار قارسىلاستارىنا ەسە جىبەرگەن جاعدايدىڭ وزىندە كەم دەگەندە قولا جۇلدەگە قول سوزادى.

ەسكە سالساق، بۇدان بۇرىن قۇرلىقتىق دودادا قازاقستاندىق قىزداردىڭ قارسىلاستارى انىقتالدى.

ازيا چەمپيوناتى 27- قاڭتارعا دەيىن سوزىلادى.