باقىتقا باستار 10 قادام
ال ماقساتقا جەتۋگە نە كەدەرگى؟ وعان قالاي جەتۋگە بولادى؟ نازارىڭىزعا ۇسىنىپ وتىرعان ءوزىن ءوزى جەتىلدىرۋگە ارنالعان قاراپايىم ون كەڭەس ارمان- ماقساتتارىڭىزعا جەتۋگە يگى ىقپالىن تيگىزەرى داۋسىز.
ەرتە تۇرۋدىڭ پايداسى
بۇگىنگى عىلىم ەرەسەك ادام ءۇشىن تولىققاندى دەمالۋعا 6 ساعاتتىق ۇيقى جەتكىلىكتى ەكەنىن انىقتاپ وتىر. وكىنىشتىسى سول، كوپ ادامدار 8، ودان دا كوپ ساعات ۇيىقتايدى جانە سوراقىسى سول، ءتۇنى بويى تەلەديدار كورىپ، نەمەسە قوناقتا بولىپ ءتۇس اۋعانشا ۇيىقتايتىندار كوپ. بۇنىڭ دەنساۋلىققا عانا ەمەس، ادام ساناسىنا دا ايتىپ جەتكىزگىسىز زاردابى بار دەيدى عىلىم. سوندىقتان، دەنىڭىز ساۋ، ءوزىڭىزدى سەرگەك سەزىنگىڭىز كەلسە، ەڭ باستىسى ساناڭىز اشىق بولسىن دەسەڭىز، ەرتە جاتىپ، ەرتە تۇرىڭىز. تاڭعى ساعات 6 عا دەيىن ويانىپ كەتۋگە تىرىسىڭىز. ەرتە تۇرۋ سىزگە كۇنۇزاق سەرگەكتىك سىيلايدى، ەكىنشىدەن، ەرتە تۇرعاندىقتان سول كۇنى ىستەيتىن شارۋالاراىڭىزدى پىسىقتاپ، جوسپارلاپ الۋعا مۇمكىندىگىڭىز بولادى.
ال، بۇل ماقساتقا جەتۋدىڭ ەڭ باستى جانە نەگىزگى قادامى. وزىڭە كوڭىل ءبول ءار كۇنى تاڭەرتەڭ بەلگىلى ءبىر ۋاقىت ءوزىڭىزدىڭ بولاشاعىڭىزعا وي جۇگىرتىپ، ەرتەڭگى كۇنىڭىز تۋرالى ويلاڭىز. بۇنى عىلىمي تىلدە مەديتاتسيا نەمەسە ۆيزۋاليزاتسيا دەپ ءتۇرلى اتاۋلارمەن اتايدى. ماسەلە ونىڭ اتىندا ەمەس، زاتىندا. بولاشاقتا كىم بولامىن، نەندەي ماقساتقا جەتۋىم قاجەت، باقىتتى بولۋ ءۇشىن نە ىستەۋىم كەرەك دەگەن سياقتى ساۋالدارعا جاۋاپ تابۋعا تىرىسىڭىز جانە ءوزىڭىزدىڭ باقىتتى، باقۋاتتى بولاشاعىڭىزدى كوز الدىڭىزعا كەلتىرىڭىز. بۇل ەرتەڭگى بيىكتەرگە قۇلشىندىرىپ، بۇلىڭعىر ارمان- قيالدارىڭىزدى ناقتى ماقساتتارعا، ال ونى جوسپارلارعا اينالدىرادى. بۇل - ماقساتقا جەتۋدىڭ ەكىنشى شارتى.
باسىم باعىتتاردى انىقتا
ءاربىر كۇنى اتقاراتىن جۇمىستارىڭىزدى جوسپارلاي وتىرىپ، ەڭ ءبىرىنشى كەزەكتە اتقاراتىن باسىم باعىتتارىڭىزدى ءدال انىقتاۋدىڭ ماڭىزى زور. امەريكاندىق پروفەسسور ستيۆ دجوبس ستەندفورد ۋنيۆرەستيتەتىندە وقىعان لەكسياسىندا: «ءار كۇنى تاڭەرتەڭ ەگەر مەنىڭ كەشكە دەيىن عانا ءومىرىم قالسا ءبىرىنشى كەزەكتە نە ىستەر ەدىم دەگەن ساۋالدى قويىپ، اتقارۋعا ءتيىستى ەڭ ماڭىزدى شارۋالارىڭىزدى انىقتاپ، سونى اتقارىڭىز» دەگەن ەدى. مۇنداي ءومىرىڭىز ءۇشىن ەڭ ماڭىزدى شارۋالاردى اتقارۋ سىزگە مىندەتتى تۇردە جەتىستىك اكەلەدى. روكفەللەردىڭ «ەگەر بايىعىڭىز كەلسە، ءبىرىنشى كەزەككە اقشانى قويماڭىز، ەڭ الدىمەن كوڭىلىڭىز قالاعان شارۋانى قويىڭىز، سول سۇيىكتى ءىسىڭىز سىزگە بايلىق اكەلەدى» دەگەن ءسوزىن ەسىڭىزدەن شىعارماڭىز.
جاعىمدى ويلاردى سەرىك ەتىڭىز
كوڭىلىڭىزدى كوتەرەتىن جاعىمدى ويلاردى ءاردايىم اينىماس سەرىك ەتىڭىز. سوندا ساتتىلىك سىزبەن بىرگە بولادى. ادامداردىڭ كوبى اقىل- ويلارىن وزدەرىنە قيىندىق اكەلەتىن ءتۇرلى پروبلەمالار مەن تۇيتكىلدى ماسەلەلەرگە اۋدارىپ، ۇنەمى سولار جايىندا ويلاپ جاتادى. بۇلاي جاساۋ سىزگە سول قيىندىقتان قۇتىلۋعا كومەكتەسپەيدى، كەرىسىنشە، اقىل- ويىڭىز ارقىلى قيىندىقتا ماڭگى قالۋعا جاعداي جاسايدى. قيىندىقتى ويلاپ، سودان نەعۇرلىم قۇتىلسام دەپ قاشقان سايىن، ول سىزگە جەلىمدەي جابىسا تۇسەدى. ودان قۇتىلۋ ءۇشىن - ول جايىندا ويلاماي، كەرىسىنشە كوڭىلىڭىزدى كوتەرەتىن جاعىمدى ويلارعا بەرىلىڭىز.
ءاردايىم كۇلىمسىرەپ ءجۇرىڭىز
«كۇلكىدەن سايتان قاشادى» دەگەن ءسوز بار. كۇلىمسىرەپ ءجۇرۋ، ءتىپتى ول جاساندى بولسا دا سىزگە كوڭىلدى كوڭىل كۇي سىيلايدى. جاپون، قىتاي حالىقتارىنىڭ اراسىندا كەزدەسكەندە مىندەتتى تۇردە كۇلىمسىرەپ امانداسۋ سياقتى جاقسى ءداستۇر بار. بۇل بالكىم جاساندى شىعار، دەسە دە ول اينالاسىنداعى ادامدارعا جىلىلىق سىيلاپ، كۇلىمسىرەي امانداسقان ادامدى جۇرتشىلىققا سۇيكىمدى كورسەتەدى. بۇل ادامنىڭ اينالاسىنداعىلارمەن قارىم- قاتىناسىن جاقسارتادى، ەكىنشىدەن، جاساندى بولسا دا جاعىمدى كوڭىل كۇي سىيلايدى. ال جاعىمدى ويلاردى سەرىك ەتكەن ادام مىندەتتى تۇردە جاقسىلىققا جولىعادى. ياعني، ماگنيت سياۇقتى جاقسىلىقتاردى وزىنە تارتادى.
جاقسى يدەيالاردى جازىپ ءجۇرىڭىز
ءاردايىم قول استىڭىزدا قويىنداپتەر بولعانى دۇرىس. ساناڭىزعا كەلگەن جاقسى يدەيالار بولسا بىردەن قويىن داپتەرىڭىزگە جازىپ وتىرىڭىز. جاقسى يدەيالار ۇنەمى كەلە بەرمەيدى. سوندىقتان ونى جازىپ وتىرساڭىز جانە جازعاندارىڭىزدى وقىپ، سول يدەيالاردى جۇزەگە اسىرۋعا تىرىسساڭىز ءومىر باسپالداعى بيىكتەرگە باستارى داۋسىز.
كۇن سايىنعى جوسپار
كۇندە كەشكىلىك تەلەسەريالدار كورىپ، دوستارىڭىزبەن سىرا ءىشىپ قىدىرعانشا، وڭاشا وتىرىپ سول كۇنگى اتقارىلعان ىستەرىڭىزدى قورتىندىلاپ، ەرتەڭگى شارۋالارىڭىزدى جوسپارلاپ الساڭىز، ماقسات بيىكتەرىنەن كورىنەتىنىڭىز انىق. قايىرشىدان حانزاداعا اينالعان اتاقتى تۇلعالاردىڭ ءومىر تاجىريبەسى وسىنى ايعاقتايدى.
ادامنىڭ كۇنى اداممەن
ءسىز ءفاني جالعاندا جالعىز ەمەسسىز، ءاردايىم وزگە ادامداردىڭ اراسىندا ءومىر ءسۇرىپ، سولارمەن ارالاسۋعا تۋرا كەلەدى. سوندىقتان، ءسىزدىڭ جەتىستىككە جەتۋىڭىز باسقالارمەن دۇرىس قارىم- قاتىناسىڭىزعا جانە ولاردىڭ جاقسى تاجىريبەلەرىنەن ۇيرەنۋىڭىزگە بايلانىستى بولماق. سوندىقتان ءاردايىم ءوزىڭىز ماقسات ەتىپ قويعان بيىكتەرگە جەتكەن ادامدارمەن ارالاسىپ، سولاردىڭ تاجىريبەلەرىن ۇيرەنۋگە كوڭىل ءبولىڭىز. بۇل مىندەتتى تۇردە ءسىزدى جەتىستىككە جەتكىزەدى. ەڭ باستىسى - ماقسات، ناتيجە ەمەس ادامداردىڭ كوبى الدارىنا قويعان ماقساتتارىنا جەتۋدىڭ باستى ولشەمى - ناتيجەگە جەتۋ دەپ سانايدى. ءسويتىپ ولار ۇنەمى ناتيجە تۋرالى ويلاپ، ول قاشان كەلەدى دەپ تاعاتتارىنان ايرىلىپ جاتادى. شىندىعىندا، ەڭ باستىسى ناتيجە ەمەس - ماقسات. ماقساتىڭىز بار ەكەن، وندا سول ماقسات تۋرالى ويلاپ، سوعان جەتەتىن ارەكەتتەردى جاساڭىز. ال ناتيجە كۇندەردىڭ كۇنىندە ءوزى كەلەدى. فەيسبۋك جەلىسىنىڭ نەگىزىن قالاعان ميللياردەر مارك تسۋكەربەرگ ءبىر سۇحباتىندا اقشا تۋرالى ەشقاشان ويلاماعاندىعىن، بار وي- ارمانى ينتەرنەت ارقىلى جۇرتشىلىقتىڭ قارىم- قاتىناسىن جاقسارتۋعا قول جەتكىزۋ بولعانىن ايتادى.
كۇنىڭىز كۇلكىمەن باستالسىن
ءار كۇنى تاڭەرتەڭ ۇيقىڭىزدان ويانعان سوڭ اينا الدىنا كەلىپ وزىڭىزگە قاراپ تۇرىپ كۇلىڭىز. وسىلايشا، كۇنىڭىزدى كۇلكىمەن باستاڭىز. مەيلى ول جاساندى كۇلكى بولسىن، ءبارىبىر كۇلكىمەن باستالعان كۇنىڭىز كۇلكىمەن اياقتالاتىن بولادى. جاساندى كۇلكى اقىرىنداپ ساناڭىزعا بەرىك ەنىپ، تابيعي كۇلكىگە، جاعىمدى كوڭىل كۇيگە اۋىسادى. ال جاعىمدى كوڭىل كۇي مىندەتتى ءتۇردى جاعىمدى جاڭالىقتار مەن ساتتىلىكتەردى تارتادى. ارمانعا جەتۋدىڭ باستى قادامى دا وسى.
ءتۇيىن: سىزگە ۇسىنىلعان قاراپايىم وسى 10 كەڭەستى ناقتى جۇزەگە اسىرۋ، ونى كادەڭىزگە جاراتۋ سىزدەن كوپ ۋاقىت پەن كۇش- قۋاتتى قاجەت ەتپەيدى. ونىڭ ەسەسىنە مىنەز- قۇلقىڭىزدى وزگەرتىپ، ماقسات بيىكتەرىنەن كورىنۋگە جەتەلەيدى. بۇل ءجاي ايتىلا سالعان ءسوز ەمەس، ومىردە ارماندارىنىڭ اسقاقتارىنان كورىنگەن اتاقتى تۇلعالاردىڭ تاجىريبەلەرىنەن الىنعان شىندىق.
دەرەككوز: alashainasy.kz
