قازاقستاندا كيىم 10 پايىز قىمباتتاعان

نۇر- سۇلتان. قازاقپارات - ماۋسىم ايىنىڭ كورسەتكىشىنە سۇيەنسەك، ساۋدا سورەلەرىندە اياقكيىم مەن كيىم باعاسى ءبىر جىلدا % 9,7 قىمباتتاعان.

بۇل تۋرالى قازاقپارات Energyprom.kz سايتىنا سىلتەمە جاساپ حابارلايدى.

«ماۋسىم ايىندا اياق كيىم مەن كيىم ايلىق مەجەدە % 1,4، جىلدىق مەجەدە % 9,7 قىمباتتادى. ءبىر ايدىڭ ىشىندە اتالعان تاۋارلاردىڭ باعاسى سولتۇستىك قازاقستان، ماڭعىستاۋ جانە قىزىلوردا وبلىستارىندا ەرەكشە وسكەن. ال جىلدىق مەجەدە ماڭعىستاۋ جانە قىزىلوردا وبلىستارىنىڭ قاتارىنا اتىراۋ وبلىسى قوسىلعان»، - دەپ جازادى پورتال.

اقپارات رەسۋرسىنىڭ مالىمەتىنە قاراعاندا، بىلتىرعى ماۋسىمنان بەرى ەر ادامداردىڭ ءىش كيىمى % 15,6، مايكا % 14,9، دجينس شالبار % 10,7، سپورت كيىمدەرى % 10، شۇلىق % 9,7، قىسقى كۇرتەلەر % 8,7، جۇنجەيدە % 5,4، ماۋسىمارالىق پالتو — نا % 6,7، كوستيۋم- شالبار % 4,3 قىمباتتاعان. ال جازعى تۋفلي مەن شاقاي باعاسى % 11,6، قىسقى ەتىك باعاسى % 10,4، ماۋسىمارالىق باتەڭكە باعاسى % 8,9، كروسسوۆكا باعاسى % 7,9 وسكەن.

ايەلدەر كيىمىنىڭ اراسنىدا ءبىر جىلدا كويلەكتەر % 11,9، قىسقى كۇرتە % 10,8، بيۋستگالتەر % 9,6، كوستيۋمى- يۋبكا % 9,1، سپورت كيىمى % 8,8، حالات % 8,3، تەرى توندار % 7,9، دجينس شالبار % 6,4، يۋبكا % 6,2، وسكەن.

بالالار كيىمىنىڭ ىشىندەبىر جىلدا فۋتبولكا % 12,8، پيجاما % 11,9، شۇلىق % 10,9، ماۋسىمارالىق كۇرتە % 10,5، قىسقى كومبينەزون % 10,3، قىسقى كۇرتە % 9,7، دجينس شالبار % 9,3، شالبار % 9,1، سپورت كيىمى % 7,9، كويلەك % 6,8، جۇنجەيدە % 6,4، كوستيۋم % 6,2، وقۋشىنىڭ كوستيۋم جيىنتىعى % 5,7، بالالاردىڭ قىسقى اياق كيىمى % 15,9، كروسسوۆكا 15، تۋفلي 13,4، قىزداردىڭ تۋفليى % 9,7 باعاسى كوتەرىلگەن.

ال Ranking.kz- ءتىڭ دەرەگىنە سۇيەنسەك، ەسكىرگەن كيىمىن جاڭالاي الماي جۇرگەن قازاقستاندىقتار ۇلەسى وسكەن.

اۆتور ەسىمجان ناقتىباي