دوللار باعامى 10 تەڭگەگە كوتەرىلىپ كەتتى

الماتى. قازاقپارات - نۇر-سۇلتان مەن الماتى قالالارىنداعى اقشا ايىرباستاۋ پۋنكتەرىندە سارسەنبىمەن سالىستىرعاندا دوللار باعامى بىردەن 10 تەڭگەگە كوتەرىلدى، دەپ حابارلايدى قازاقپارات ءتىلشىسى.

Kurs.kz دەرەكتەرى بويىنشا، نۇر-سۇلتانداعى ۆاليۋتا ايىرباستاۋ ورىندارىندا 1 دوللار 456 - 458 تەڭگەدەن ساتىلىپ جاتىر.

ال الماتىدا دوللار باعامى 456 - 462,50 تەڭگە ارالىعىندا قۇبىلىپ تۇر. 22-ماۋسىمداعى كەشكى ساۋدا قورىتىندىسى بويىنشا، دوللاردىڭ ورتاشا باعامى بىردەن 6,04 تەڭگەگە قىمباتتاپ 454,36 تەڭگە بولدى. ۇلتتىق بانكتىڭ 23-ماۋسىمداعى رەسمي باعامى - 1 دوللارعا 454, 11 تەڭگە.