جالعىز ساياحاتتاۋدى ۇناتاتىندار ءۇشىن توپ-10 باعىت اتالدى

نۇر -سۇلتان. قازاقپارات - ساراپشىلار 2022 -جىلى جالعىز ساياحاتتاۋدى ۇناتاتىندار ءۇشىن توپ-10 باعىتتى اتادى، - دەپ حابارلايدى Kaz.tengritravel.kz ءتىلشىسى.

Uswitch سايتى رەيتينگ جاساۋ كەزىندە تۋريستەر نازار اۋداراتىن بەس نەگىزگى كورسەتكىشتى ەسكەردى.

باعالاۋ كريتەريلەرى: ينتەرنەتتىڭ جىلدامدىعى، ءىس-شارالار مەن اتتراكسيوندار سانى، قوعامدىق كولىكتىڭ قۇنى، تۇرۋ ورنى جانە اۋانىڭ ورتاشا تەمپەراتۋراسى ەسەپكە الىندى.

رەيتينگتە ءبىرىنشى ورىندى ريم (يتاليا) سەكۋندىنا 39 مەگابيت بايلانىس جىلدامدىعىمەن، 4 220 ءىس- شارا جانە باراتىن ورىندارمەن، سەگىز مىڭعا جۋىق قوناقۇيىمەن الدى. ودان كەيىن ءۇندىستاننىڭ استاناسى نيۋ- دەلي. وندا قوعامدىق كولىكپەن ءجۇرۋ قۇنى 35 رۋپيي (200 تەڭگە) جانە ورتاشا تەمپەراتۋرا 25 گرادۋس. ۇزدىك ۇشتىكتى بانگكوك (تايلاند) جابادى.

جەكە ساياحاتقا ارنالعان توپ-10 باعىتتىڭ ءتىزىمى مىناداي:

ريم (يتاليا)

نيۋ-دەلي (ءۇندىستان)

بانگكوك (تايلاند)

ىستامبۇل (تۇركيا)

دجايپۋر (ءۇندىستان)

افينى (گرەكيا)

دۋباي ( ب ا ء ا)

فلورەنسيا (يتاليا)

ليسسابون (پورتۋگاليا)

پاريج (فرانسيا)