وزىنەن كولىك ساتىپ الماق بولعان كليەنتتى پىشاقتاپ، 10 ميلليون تەڭگەسىن جىمقىرعان
«ەڭبەكشىقازاق اۋدانى پوليتسيا باسقارماسىنىڭ كەزەكشى بولىمىنە اۋداندىق اۋرۋحاناعا ارقا تۇسىنا سۇعىلعان پىشاق جاراقاتى بار 33 جاستاعى الماتى قالاسىنىڭ تۇرعىنى جەتكىزىلگەنى تۋرالى حابار ءتۇستى. اۋرۋحاناعا جەتكەن جەدەل- تەرگەۋ توبى اتالعان فاكتىنى راستاپ، ىزدەۋ شارالارىن باستاپ كەتتى. كەيىن ساتۋشىمەن كەزدەسۋ كەزىندە كۇدىكتى سۋىق قارۋ قولدانىپ، زارداپ شەگۋشىدەن 10 ميلليون تەڭگە كولەمىندە اقشاسىن تارتىپ العانى انىقتالدى»، - دەدى ەڭبەكشىقازاق اۋدانى پوليتسيا باسقارماسىنىڭ باستىعى جاقسىلىق التىنبايەۆ.
زارداپ شەگۋشى كۇدىكتىدەن Tayota Camry 70 اۆتوكولىگىن ساتىپ الماق بولعان. كەزدەسۋ جانە اقشانى بەرۋ ەسىك قالاسىندا وتكەن.
«از ۋاقىتتىڭ ىشىندە جەدەل قىزمەتكەرلەر ەر ادامدى انىقتاپ، ۇستادى. ونى زارداپ شەگۋشى مەن كۋاگەر تانىدى. ول - 22 جاستاعى ەسىك قالاسىنىڭ تۇرعىنى بولىپ شىقتى. قازىرگى كەزدە وعان قاتىستى ق ر ق ك-نىڭ 192-بابى 4-بولىگى 1-تارماعى بويىنشا قىلمىستىق ءوندىرىس قوزعالدى. كۇدىكتى جاساعان قىلمىسىن مويىندادى. قازىرگى كەزدە ۋاقىتشا ۇستاۋ يزولياتورىنا قامالعان»، - دەپ قوستى جاقسىلىق التىنبايەۆ.
اۆتور: ءبيبىحان سەرىكوۆا