داۋرەن ابايەۆ بيزنەستى قولداۋ ءۇشىن ۇكىمەت تاراپىنان قولعا الىنعان 10 ناقتى شارانى اتادى
«بۇگىندە ۇلت دەنساۋلىعى ءۇشىن كۇرەس - كۇنتارتىبىندەگى باستى ماسەلە. قاۋىپسىزدىكتى قامتاماسىز ەتۋ ماقساتىندا شەكدەسسىز شەكتەۋ شارالارىن ەنگىزىلىپ جاتىر. دەگەنمەن، مۇنداي جاعدايدا بيزنەس الەۋمەتتىك ءال- اۋقاتتىڭ تىرەگى رەتىندە مەملەكەتتىك مۇددەلەردەن تىسقارىل قالىپ قويماۋى ءتيىس. ءدال سوندىقتان ۇكىمەت پرەزيدەنتتىڭ تاپسىرماسىمەن ومىرلىك ماڭىزى بار شارالار توپتاماسىن ازىرلەدى. بۇل اقپارات ب ا ق- تا جان- جاقتى تارالىپ جاتىر. ءبىراق,10 نەگىزگى قادام تىزدەسىن تاعى ءبىر بولە- جارا كورسەتۋ ءجون دەپ شەشتىم» ، - دەپ جازدى مينيستر facebook پاراقشاسىندا .
ونىڭ اتاپ وتۋىنشە، بىرىنشىدەن، بيزنەستى كرەديتتەۋ 1 تىريلليون تەڭگەگە دەيىن كەڭەيتىلەدى. قاراجات وتاندىق وندىرۋشىلەردى قولداۋعا باعىتتالادى. كرەديت بويىنشا سوڭعى مولشەرلەمە - 6 پايىز. ەكىنشىدەن، ورتا بيزنەستى تەكسەرۋلەر سانى قىسقارادى. شاعىن جانە ميكروبيزنەستى تەكسەرۋگە قازىرگى ۋاقىتتا موراتوري جاريالاعان. ۇشىنشىدەن، ءىرى ساۋدا نىساندارىنا، كينوتەاترلار مەن سپورتتىق نىساندارعا مۇلىككە ارنالعان سالىقتان 1 جىلعا بوساتۋ ارقىلىسالىقتىق ىنتالاندىرۋ كوزدەلگەن. تورتىنشىدەن، 7 مىڭعا جۋىق اۋىل شارۋاشىلىعى تاۋارلارىن ءوندىرۋشى اۋىل شارۋاشىلىعى ماقساتىنداعى جەرگە سالىق تولەۋدەن بوساتىلادى. بەسىنشىدەن، جەكە كاسىپكەرلەردە تابىس سالىعىنا بوساتۋ كودەلىپ وتىر. التىنشىدان، جۇمىسپەن قامتۋدىڭ جاڭا جول كارتاسى ازىرلەنەدى. جالپى قارجىلاندىرۋ 300 ميلليارد تەڭگەنى قۇرايدى. وڭىرلەردە جاڭا ينفراقۇرىلىمدىق جوبالاردى جۇزەگە اسىرۋ ەسەبىنەن 120 مىڭ جۇمىس ورنى قۇرىلادى.
توتەنشە جاعداي كەزىندە جەكە تۇلعالاردىڭ كەپىلسىز تۇتىنۋشىلىق سالىقتارى بويىنشا 90 كۇننەن ارتىق مەرزىمى ءوتىپ كەتكەندە ايىپپۇل ەسەپتەۋگە تىيىم سالىنادى. جەكە تۇلعالارعا 12 ايدىڭ ىشىندە مەرزىمى ءوتىپ كەتكەن بەرەشەكتەرىنىڭ 50 پايىزدان استامىن وتەگەن كەزدە نەسيە تاريحىن تۇزەتۋگە مۇمكىندىك بەرىلەدى. توتەنشە جاعداي كەزىندە جەكە جانە زاڭدى تۇلعالاردىڭ زايمدارى مەن ميكروكرەديتتەر بويىنشا تولەم مەرزىمى كەشىكتىرىلگەنىنە بايلانىستى ايىپپۇلدار سالىنبايدى. ونىنشىدان، توتەنشە جاعداي ەنگىزىلۋىنە بايلانىستى قارجىلىق جاعدايلارى ناشارلاعان شاعىن جانە ورتا بيزنەس سۋبەكتىلەرىنە، جەكە كاسىپكەرلەرگە 90 كۇنگە دەيىنگى مەرزىمگە زايمدارى بويىنشا تولەمدى كەيىنگى قالدىرۋعا رۇقسات بەرىلەدى.
