10:40, 12 - اقپان 2020 | GMT +6
شىعىس قازاقستاندا ايىپپۇل تولەمەگەن جۇرگىزۋشىلەردەن 10 ميلليون تەڭگە ءوندىرىلدى
وسكەمەن. قازاقپارات - شىعىس قازاقستان وبلىسىندا «بورىشكەر» جەدەل الدىن الۋ شاراسى بارىسىندا ايىپپۇل تولەمەي جۇرگەن كولىك يەلەرىنەن 10,54 ميلليون تەڭگە ءوندىرىلدى، دەپ حابارلايدى قازاقپارات.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 8-16-اقپان ارالىعىندا ءوڭىر بويىنشا «بورىشكەر» جەدەل الدىن الۋ شاراسى جۇرگىزىلگەن. مۇنداعى ماقسات - زاڭ بۇزىپ، اكىمشىلىك ايىپپۇل تولەمەي جۇرگەندەردىڭ بورىشىن ءوندىرۋ.
«شارا بارىسىندا ارنايى ءموبيلدى توپتار قۇرىلدى. 3 كۇن ىشىندە 400 گە جۋىق رەيد وتكىزىلىپ، 10540000 تەڭگە مولشەرىندەگى 984 اكىمشىلىك ايىپپۇل ءوندىرىلدى. سونداي-اق 8 اۆتوكولىك ارنايى تۇراققا قويىلعان»، - دەپ حابارلادى ۆەدومستۆو وكىلدەرى.
