اسقازان- ىشەك جولى اۋرۋلارىنىڭ 10 سەبەبى

None
None
استانا. قازاقپارات - اسقازان- ىشەك جولى اۋرۋلارى كەڭ تاراعان اۋرۋلاردىڭ قاتارىنا كىرەدى. ادامدار اسقازان- ىشەك جولىنا قاۋىپ توندىرەتىن بارلىق فاكتورلاردى ەسەپكە المايتىندىقتان وعان ءجيى شالدىعادى.

 سوندىقتان اسقورىتۋ مۇشەسى اۋرۋلارىنىڭ پايدا بولۋ سەبەپتەرىن بىلە ءجۇرىڭىز.

1. جاس جانە جىنىس بۇل اسقازان مەن ىشەك اۋرۋلارىنىڭ دامۋىنا اسەر ەتەتىن سەبەپ ەمەس، ماڭىزدى فاكتور دەسەك بولادى. مىسالى، قاتەرلى ىسىك پەن جارا -  ەرلەردە، ال وتكە تاس تولۋى -  ايەلدەردە ءجيى كەزدەسەدى. اسقازان- ىشەك جولى اۋرۋلارىنىڭ  قاۋپى جاس ۇلعايا كەلە جوعارىلاي بەرەدى.

 2. تۇقىم قۋالاۋشىلىق تۇقىم قۋالاۋدان بولعان بەيىمدىلىك فاكتورى اسقازان- ىشەك جولى اۋرۋلارىنىڭ جەتىلۋىنە سەبەپكەر بولادى.

 3. دۇرىس تاماقتانباۋ ۋاقىتىندا تاماقتانباۋ نەمەسە ارتىق تاماق ءىشۋ، مايلى تاماقتىڭ كوپتىگى اسقازان- ىشەك جولى جاعدايىنا نەگاتيۆتى اسەر ەتەدى.

 4. الكوگول الكوگول اسقازان- ىشەك جولى شىرىشىنىڭ قورعانىش فۋنكتسياسىن تومەندەتەدى. سونىڭ ناتيجەسىندە اسقازان مەن ىشەكتىڭ زاقىمدانۋىنا اكەلىپ سوعادى. سوندىقتان گاستريت نەمەسە جارا پايدا بولادى. سونىمەن قاتار الكوگول نەگىزگى زات الماسۋ جۇرەتىن باۋىرعا اسەر بەرەدى.

 5. Helocobacter pylori اسەرى Helocobacter pylori -  اسقازاندا جانە ون ەكى ەلى ىشەكتە ءومىر سۇرەتىن باكتەريا. ول جارا مەن گاستريتتىڭ پايدا بولۋىنا، ون ەكى ەلى ىشەكتىڭ قابىنۋىنا جانە قاتەرلى ىسىككە سەبەپكەر بولادى. الايدا حەليكوباكتەردى تاسىمالداۋشىلاردىڭ %90 ى ونى بايقامايدى، سەبەبى باكتەريا ۇزاق ۋاقىت بويى "جاسىرىن" جۇرە الادى. ءبىراق ول تۇزگەن فەرمەنتتەر اسقازان قابىرعاسىنداعى شىرىشتىڭ قورعانىش قاباتىن زاقىمدايتىن حيميالىق پروتسەستەردى بىرتىندەپ ىسكە قوسادى.

 6. جۇقپالى اۋرۋلار اسقازان جانە ىشەك جۇقپاسى -  اسقورىتۋدىڭ جانە ءناجىستىڭ بۇزىلۋى (ءىش ءوتۋ نەمەسە ءىش قاتۋ) ، ءىش اۋرۋى، تابەتتىڭ تومەندەۋى، تەرىنىڭ ءبورتۋى جانە ت. ب تۇرىندە كورىنەتىن اۋرۋلاردىڭ جالپى اتاۋى. جالپى ۋلانۋ بەلگىلەرى، سوعان قوسا جوعارى تەمپەراتۋرا بايقالۋى دا مۇمكىن. اسقازان- ىشەك جولى جۇقپالارىنىڭ قوزدىرعىشتارىنا سالمونەللا، ستافيلوكوكك، ىشەك تاياقشاسى جانە ت. ب جاتادى.

 7. پارازيتتىك جۇقپا اسقازان- ىشەك جولىندا ءومىر سۇرەتىن پارازيتتەر اسقازان بۇزىلۋىنا الىپ كەلەدى: ءىش ءوتۋ، ءىش قاتۋ، تابەتتىڭ تومەندەۋى، سالماقتىڭ وزگەرۋى. سونىمەن قاتار، ىشەك قۇرت ينۆازياسى قانازدىقتان (كەي پارازيتتەر قان جاسۋشالارىمەن قورەكتەنەدى) ، اللەرگيالىق رەاكسيادان (پارازيتتەر بولگەن زاتقا اللەرگيا بەرۋ) جانە ۇيقى بۇزىلۋىنان (پارازيتتەردىڭ كوپشىلىگى تۇندە بەلسەندى بولا تۇسەدى) دا بايقالۋى مۇمكىن.

 8. كۇيزەلىس اۋرۋدىڭ كوپشىلىگى جۇيكەدەن ەكەنىن بىلەمىز. كۇيزەلىس شىنىمەن دە اسقازان- ىشەك جولىنا ءوز اسەرىن تيگىزەدى. ەگەر كۇيزەلىس سوزىلمالى بولا تۇسسە، اسقازان مەن ىشەكتەر ءالسىز بولا تۇسەدى دە گاستريت نەمەسە ويىق جارا پايدا بولۋى مۇمكىن.

 9. رەتسىز نەمەسە ۇزاق ۋاقىت بويى ءدارى ءىشۋ اۋىر اۋرۋلاردى ەمدەۋگە قاجەت دارىلەر اسقازان- ىشەك جولى جاعدايىنا كەرى اسەر ەتەدى. مىسالى: انتيبيوتيكتەر. ولار ءىشتى اۋىرتىپ، ءناجىستى بۇزادى. انتيبيوتيكتەردى ۇزاق ءىشۋ ىشەكتەر تۇكتەرىنىڭ فۋنكتسياسىنىڭ بۇزىلۋىنا اكەلەدى. دارىگەر انتيبيوتيكپەن قاتار مىندەتتى تۇردە اسقازان جۇمىسىن رەتتەيتىن ءدارىنى قوسا جازىپ بەرەتىنىن بايقاعان بولارسىز.

 10. اگرەسسيۆتى فاكتورلار اگرەسسيۆتى فاكتورلار وتە كوپ. كەيدە اسقازان پروبلەماسىن نە شاقىرعاندىعىن ناقتى ءبىلۋ مۇمكىن ەمەس. باستىسى، ولار ءبىر نىساناعا، ياعني اسقازان- ىشەك جولىنىڭ شىرىشتى قابىقشاسىنا شابۋىل جاسايدى. اگرەسسيۆتى فاكتور اعزانىڭ قورعانىش كۇشىنەن اسىپ تۇسكەندە اسقازان- ىشەك جولى شىرىشتى قابىقشاسىنىڭ باكتەريالار مەن ۋلى زاتتاردى وتكىزگىشتىگى جوعارىلاي تۇسەدى. ولار ىشكە وتكەن كەزدە ادام جايسىزدىق (ءىشتىڭ كەبۋى، اۋىرلىق جانە ت. ب) سەزىنەدى.

Massaget.kz

سوڭعى جاڭالىقتار