الەمدىك فەدەراتسيا رەسەيلىك جەڭىل اتلەتتەردى 10-رەت جارىستان شەتتەتتى

استانا. قازاقپارات - حالىقارالىق جەڭىل اتلەتيكا فەدەراتسياسىنىڭ قاۋىمداستىعى (IAAF) رەسەيلىك سپورتشىلاردى حالىقارالىق جارىستاردان الىپ تاستاۋ تۋرالى شەشىمىن تاعى دا ۇزارتتى، دەپ حابارلايدى ВВС.

IAAF بۇكىل رەسەيلىك جەڭىل اتلەتيكا فەدەراتسياسىنىڭ ديسكۆاليفيكاتسياسى مەرزىمىن ۇزارتتى.

ايتا كەتسەك، ب ج ا ف- ىنىڭ IAAF-گە مۇشەلىگى 2015 -جىلدىڭ قاراشا ايىندا توقتاتىلعان بولاتىن.

ديسكۆاليفيكاتسيا رەسەيلىك تاراپ IAAF قۇرعان مۇشەلىكتى قالپىنا كەلتىرۋ تالاپتارىنىڭ بارلىعىن ورىنداعانعا دەيىن ءوز كۇشىندە بولادى. IAAF وسىمەن ونىنشى رەت ب ج ا ف مۇشەلىگىن قالپىنا كەلتىرۋدەن باس تارتتى.

IAAF- قا مۇشەلىك 2015 -جىلدىڭ قاراشا ايىندا دۇنيەجۇزىلىك دوپينگكە قارسى اگەنتتىكتىڭ تاۋەلسىز كوميسسياسى رەسەيدە دوپينگتى پايدالانۋ جانە جاسىرۋ ءۇشىن مەملەكەتتىك قولداۋ جۇيەسى انىقتالعان بايانداماسى جاريالانعاننان كەيىن توقتاتىلدى. وسىنىڭ سالدارىنان رەسەيلىك جەڭىل اتلەتتەر ريو-دە-جانەيرودا وتكەن وليمپيادا ويىندارىنا قاتىسۋدان شەتتەتىلدى.