ءوزىڭىزدى اقىلدى ەتىپ كورسەتۋدىڭ 10 جولى

 استانا. قازاقپارات - ءبىر توپ عالىمدار ءومىر بويى ادامدا ينتەللەكت قالىپتاستىرۋ مۇمكىن بە دەگەن ويمەن باس اۋىرتسا، ەندى ءبىر توپ عالىمدار قاجەتتى ماسەلەلەرمەن شۇعىلدانىپ جاتىر. ولار ادەتتەگىدەن اقىلدى بولىپ كورىنۋ ءۇشىن نە ىستەۋ قاجەتتىگىن زەرتتەپ كوردى.

ءبىز اقىلدى بولىپ كورسەتەتىن قاراپايىم جولداردى ءتىزىپ كورسەتتىك.

سىرت كەلبەتىڭىزدى جونگە كەلتىرىڭىز

 

سىمباتتى ادامداردى ءبىز اقىلدىعا جاتقىزىپ كەلەمىز. بريتاندىق پسيحولوگ ساتوسي كانادزاۆا زەرتتەۋلەرى كورسەتكەندەي، بۇل دۇرىس ستەرەوتيپ ەكەن.

ادەمى ادامدار گەنەتيكالىق تۇرعىدا ءمىنسىز. سىرت كەلبەتى دە جاقسى، اقىلدىراق. بۇل عاسىرلار بويى ادام ساناسىندا قالىپتاسقان، سوندىقتان بۇعان قاراي وتىرىپ IQ تەستتارىنا بارا- بار شەشىم شىعارۋىمىزعا دا بولادى.

قوعام پىكىرىن باسقاشا قالىپتاستىرۋ ارينە مۇمكىن. ءوز بەت- الپەتىڭىزدى جاقسى اشىپ كورسەتەتىن شاش ۇلگىسىن جاساڭىز، ەگەر ءتىسىڭىزدى اعارتۋ كەرەك بولسا، ستوماتولوگقا كورىنىڭىز، بەت الپەتىڭىزدى بارىنشا جاقسى قالىپقا ءتۇسىرۋ ءۇشىن وپا-دالاپتى پايدالانىڭىز.

العاشقى پىكىردە قالدىرماۋعا تىرىسىڭىز

 

كيىمىڭىزگە قاراپ قابىلداپ، اقىلىڭىزعا قاراپ شىعارىپ سالادى دەپ جاتادى. كارولينا ۋنيۆەرسيتەتىنىڭ ءبىر توپ عالىمدارى زەرتتەۋلەرىنە سايكەس، ادەتتە العاشقى كەزدەسۋ ادام تۋرالى پىكىردىڭ قالىپتاسۋىنا تۇرتكى بولادى.

كوزگە قاراۋعا قورىقپاڭىز

 

كەيبىر مادەنيەتتە اڭگىمەلەسۋ كەزىندە كوزگە قاراپ وتىرۋ ىڭعايسىز. ال ەگەر باسقا ۇلتتىق ءداستۇردى ۇستانۋشىلارمەن قارىم- قاتىناس جاساساڭىز، كوزىنە قاراۋ قاجەت. پروفەسسور نورا مەرفي (Nora A. Murphy) زەرتتەۋلەرىنە سايكەس، اڭگىمەلەسۋ كەزىندە كوزبە- كوز سويلەسۋ ادامنىڭ وزىنە دەگەن سەنىمدىلىگىن كورسەتەدى، اينالاسىنداعىلار دا بۇعان سەنىمدى تۇردە قارايدى.

ەگەر بۇلاردان ەشتەڭە شىقپاسا،

...قالىڭ اينەگى بار كوزىلدىرىك تاعىڭىز.. .

 

ۆەنا ۋنيۆەرسيتەتىنىڭ ءبىر توپ عالىمدارى ەرەكشە زەرتتەۋلەرىمەن ءبولىستى. بەت- الپەتتى ينتەلليگەنتسيا وكىلدەرى ەتىپ قالىپتاستىراتىن كوزىلدىرىكتەردى بىلەمىز. بۇل كوزىلدىرىكتەردىڭ اينەگىنىڭ قالىڭدىعى دا اقپارات بەرەدى ەكەن. اسىرەسە اينەگى قالىڭ كوزىلدىرىكتەر ادامدى جاقسى سەندىرە الادى ەكەن. ەندەشە، اقىلدىراق بولىپ كورىنگىڭىز كەلسە، كوزىلدىرىكتىڭ اينەگى قالىڭداۋىنان تاڭداڭىز.

انىق سويلەڭىز

 

امەريكا فيزيگى لەونارد ملودينوۆتىڭ ايتۋى بويىنشا، جۇلدىزدى اسپانعا شىعارماساڭىز دا، سويلەۋ مانەرىڭىزگە قاراپ اقىلدى ادام ەكەندىگىڭىزدى كورسەتە الاسىز. انىق سويلەڭىز، دارامالىق ۇزىلىستەر جاساماڭىز. ەگەر ادام ءسىزدى تۇسىنەتىن بولسا، ارنايى تەرميندەردى قولدانباڭىز، ويتكەنى ول ءوزىن ءسىز ادەيى ىستەگەندەي اقىماق سەزىنىپ قالۋى مۇمكىن. اقىلدى ادام بولعىڭىز كەلسە، جايلى ادام بولڭىز.

...جانە جىميىپ تۇرىڭىز

 

پراگالىق كار ۋنيۆەرسيتەتى عالىمدارىنىڭ زەرتتەۋلەرى بويىنشا، جىميىپ تۇرعان ادام ءتۇڭىلىپ تۇرعان ادامعا قاراعاندا اناعۇرلىم اقىلدىراق كورىنەدى ەكەن. بۇل كوبىنە ەر ادامدارعا تىكەلەي قاتىستى. بالكىم ايەلدەردىڭ ءجيى جىمياتىندىعىنا بايلانىستى بولار، بالكىم ايەلدەردىڭ جىميىسى جەڭىلتەكتىڭ بەلگىسى دەپ قابىلداناتىن بولعاندىقتان شىعار.

ءسىزدى ەش قيىندىقسىز تۇسىنەتىندەي ەتىپ جازىڭىز

 

ءبىزدىڭ زامانىمىزدا جازباشا حابارلامالار باسقا بايلانىستارعا قاراعاندا ماڭىزدىراق بولىپ تۇر، سوندىقتان شەشەندىك سوزدەرسىز-اق قاراپايىم ويدى جەتكىزۋ ماڭىزدى ەكەنى انىق.

پريستون ۋنيۆەرسيتەتىنىڭ ءبىر توپ ماماندارى جازباشا ءماتىننىڭ قاراپايىمدىلىعى مەن اۆتور رەپۋتاتسياسىنىڭ اراسىنداعى بايلانىستى انىقتادى. ءماتىن نەعۇرلىم قاراپايىم بولعان سايىن اۆتور سوعۇرلىم اقىلدى كورىنەدى ەكەن.

ءماتىندى گرافيكامەن تولىقتىرىڭىز

گرافيكا ءسىزدىڭ ماتىنىڭىزگە قاراپايىم ادامدارعا تۇسىنىكتى بولا تۇسەتىن مۇمكىندىك بەرەدى. گرافيكانى كوپ ادامنىڭ تۇسىنبەيتىندىگى ماڭىزدى ەمەس. باستىسى، كورەرمەنگە قانداي اسەر بەرەتىندىگى. كورنەل ۋنيۆەرسيتەتىنىڭ عالىمدارى گرافيكاسى بار ءماتىننىڭ گرافيكاسىز ماتىنگە قاراعاندا اۆتورعا دەگەن سەنىمدىلىكتىڭ كوبىرەك بولاتىندىعىن دالەلدەدى. جانە بۇل اۆتوردىڭ تالانتتى ادام رەپۋتاتسياسىن قالىپتاستىرادى ەكەن.

ءبارى سەكىلدى ءجۇرىڭىز

 

تاڭعاجايىپ زەرتتەۋلەرگە سايكەس، ءجۇرىسى وزگەلەردەن ەرەكشەلەنەتىن ادامداردىڭ اسا اقىلدى ەمەستىگى دالەلدەنگەن ەكەن. ولار ادام لەگىنەن قالىپ قويىپ، كەدەرگىلەر تۋدىراتىنى، شاشىراعان كوفە مەن بۇزىلعان كوڭىل-كۇيگە سەپ بولاتىنى بەلگىلى. ەگەر اقىماق بولعىڭىز كەلمەسە، بارىمەن بىردەي ءجۇرىڭىز.

قالجىڭداڭىز جانە وزگەنىڭ ءازىلىن دە باعالاي ءبىلىڭىز

 

ەگەر ءسىز وزگەنىڭ ازىلىنە باس بۇرساڭىز، مۇنىڭ ءوزى دە قوعام ءۇشىن اقىلدىڭ ءبىر كوزى بولىپ باعالانارى ايقىن. قالجىڭداي ءبىلۋ تاپتىرماس بونۋسپەن تەڭ، ال اينالاڭىزداعى قالجىڭعا قوسىلا ءبىلۋ، ءتۇيسىنۋ - قاجەتتىلىك.

 

دەرەككوز: adme.ru