فۋتبولشىلارعا ەڭ كوپ جالاقى تولەيتىن 10 ەل

 استانا. قازاقپارات - Sporting Intelligence سايتى 2018-جىلعى ساراپتامالارى بويىنشا فۋتبولشىلارعا ەڭ كوپ جالاقى تولەيتىن ەلدەر چەمپيوناتتارىنىڭ رەيتينگىن جاريالادى.

بۇل تىزىمدە ورتاشا جالاقى مولشەرى بويىنشا اعىلشىن پرەمەر-ليگاسى (ا پ ل) كوش باستاپ تۇر.

اعىلشىن پرەمەر-ليگاسىندا (ا پ ل) وينايتىن فۋتبولشى جىلىنا ورتا ەسەپپەن 3,93 ميلليون دوللار الادى ەكەن. ەكىنشى ورىنعا يسپانيا ليگاسى ورنالاسقان. بۇل ەلدە دوپ تەبەتىن فۋتبولشىلار جىلىنا شامامەن 2,89 ميلليون دوللار جالاقى الادى. ۇزدىك ۇشتىكتى يتاليانىڭ ا سەرياسى تۇيىندەپ تۇر.

مۇندا تەڭبىل دوپ شەبەرلەرى جىلىنا ورتا ەسەپپەن 1,99 ميلليون دوللار تابىس تابادى.

فۋتبولشىلارعا ەڭ كوپ جالاقى تولەيتىن ەلدەر رەيتينگىنە قازاقستان پرەمەر-ليگاسى دا ەنگەن.

ورتاشا جالاقى كورسەتكىشى بويىنشا 25-ورىنعا جايعاسقان. ق پ ل- داعى ورتاشا جالاقى مولشەرى جىلىنا 148 مىڭ دوللاردى قۇرايدى ەكەن. تەڭگەگە شاققاندا 55 ميلليون تەڭگە شاماسىندا.

بۇل كورسەتكىش بويىنشا قازاقستان پرەمەر-ليگاسى وڭتۇستىك كورەيا، اۋستراليا، پولشا جانە حورۆاتيا چەمپيوناتتارىنان جوعارى تۇر.

Sporting Intelligence نۇسقاسى بويىنشا ورتاشا جالاقىسى ەڭ جوعارى 10 ەل:

1. اپل (انگليا) - 3,93 ميلليون دوللار؛

2. لا ليگا (يسپانيا) - 2,89؛

3. «ا» سەرياسى (يتاليا) - 1,99؛

4. بۋندەسليگا (گەرمانيا) - 1,83؛

5. ليگا 1 (فرانسيا) - 1,3؛

6. سۋپەرليگا (قىتاي) - 1,05؛

7. ر پ ل (رەسەي) - 877 مىڭ دوللار؛

8. سۋپەرليگا (تۇركيا) - 864؛

9. «ا» سەرياسى (برازيليا) - 670؛

10. م ل س (كانادا، 3 كلۋب) - 519...

25 قازاقستان پرەمەر- ليگاسى - 148 مىڭ دوللار

الەمدە ەڭ كوپ جالاقى الاتىن 10 فۋتبولشى

ەڭ كوپ جالاقى تولەيتىن كلۋبتار كوشىن «بارسەلونا» فۋتبول كلۋبى باستاپ تۇر. كاتالوندىق كوماندا ورتا ەسەپپەن جىلىنا ءار ويىنشىعا 13,75 ميلليون دوللار تولەيدى ەكەن. ەكىنشى ورىندا - «رەال». «كورولدىك كلۋب» ءار ويىنشى ءۇشىن ورتا ەسەپپەن جىلىنا 10,64 ميلليون دوللار شىعىندايدى.

ۇزدىك ۇشتىكتى «وكلاحوما سيتي» باسكەتبول كلۋبى (10,32 ميلليون دوللار) تۇيىندەيدى.

Sporting Intelligence نۇسقاسى بويىنشا ورتاشا جالاقىسى ەڭ جوعارى 10 فۋتبول كومانداسى:

1. «بارسەلونا» (يسپانيا) - 13,75 ميلليون دوللار

2. «رەال» (يسپانيا) - 10,64 ميلليون

3. «يۋۆەنتۋس» (يتاليا) - 8,85 ميلليون

4. «مانچەستەر يۋنايتەد» (انگليا) - 8,598 ميلليون

5. «باۆاريا» (گەرمانيا) - 8,35 ميلليون

6. «اتلەتيكو» (يسپانيا) - 8,09 ميلليون

7. پ س ج (فرانسيا) - 8,03 ميلليون

8. «مانچەستەر سيتي» (انگليا) - 7,88 ميلليون

9. «چەلسي» (انگليا) - 6,6 ميلليون

10. «ليۆەرپۋل» (انگليا) - 6,3 ميلليون

Massaget.kz