قازاقستاندىق كاسىپقوي بوكسشى 10-قارسىلاسىن نوكاۋتقا جىبەردى

استانا. قازاقپارات - قازاقستاندىق پانچەر ءالي احمەدوۆ (13-0، 10 ك و) كوستا- مەساداعى (كاليفورنيا، ا ق ش) بوكس كەشىندە جەكپە-جەگىن تاعى دا نوكاۋتپەن اياقتادى، دەپ حابارلايدى «SPORTINFORM».

گەننادي گولوۆكينمەن ءبىر جەردە جاتتىعىپ جۇرگەن 23 جاستاعى بوكسشىنىڭ قارسىلاسى مەكسيكانىڭ 27 جاستاعى بوكسشىسى دجوۆاني حاۆەر گومەس (17-15، 11 ك و) بولعان. ايقاس قازاقستاندىق بوكسشى ءۇشىن جەڭىل ءوتىپ، ءبىرىنشى راۋندتا مەرزىمىنەن بۇرىن اياقتالعان.

ەسكە سالا كەتەيىك، بۇعان دەيىن احمەدوۆ 32 جاستاعى امەريكاندىق بوكسشى حورحە ەسكالانتەنى (9-1-1، 6 ك و) نوكاۋتقا جىبەرگەن ەدى.

ەندى ءالي احمەدوۆتىڭ رەكوردى 13 جەڭىستەن (10-نى نوكاۋتپەن) قۇرالعان. قازاقستاندىق بوكسشى جارتىلاي اۋىر سالماقتا WBC Youth World جانە NABF Junior بەلدىكتەرىنە يە.