استاناعا سوڭعى 10 جىلدا «ءبىر پاۆلودار حالقى قوسىلدى» - اسەت يسەكەشەۆ

None
None
استانا. قازاقپارات - ەلوردادا قازىرگى تاڭدا 1 ميلليون 200 مىڭ ادام تۇراقتى تۇردە تۇرىپ جاتىر. بۇل تۋرالى حالىققا ەسەپ بەرۋ كەزدەسۋىندە استانا قالاسىنىڭ اكىمى اسەت يسەكەشەۆ ايتتى، دەپ حابارلايدى «قازاقپارات» ح ا ا ءتىلشىسى.

حالىققا ەسەپ بەرۋ كەزدەسۋىندە شاھار باسشىسى ەلوردانىڭ الەۋمەتتىك-ەكونوميكالىق دامۋىنىڭ 2017-جىلعى قورىتىندىلارىمەن تانىستىردى. شاراعا ق ر پرەمەر-ءمينيسترىنىڭ ءبىرىنشى ورىنباسارى اسقار مامين قاتىسۋدا.

«استانا تەز دامىپ كەلە جاتقان قالا. ادام سانى وسۋدە. 1 ميلليون 30 مىڭنان استام ادام تۇرادى. وتكەن جىلى تاعى 233 مىڭ ادام ۋاقىتشاعا تىركەلدى. دەمەك، قالادا تۇراقتى تۇردە 1 ميلليون 200 مىڭ ادام تۇرىپ جاتىر. بۇل سان جىل سايىن وسۋدە. سوندىقتان، ءالى دە بولسا شەشىلمەي جاتقان ماسەلەلەر بار. دەگەنمەن، وتكەن جىلى بارلىق الەۋمەتتىك-ەكونوميكالىق ينديكاتورلارعا قول جەتكىزىلدى. بۇعان ەكسپو-2017 حالىقارالىق كورمەسى زور اسەرىن تيگىزدى»، - دەيدى اكىم.

اسەت يسەكەشەۆتىڭ ايتۋىنشا، جاڭا تەمىر جول ۆوكزالىنىڭ، اۋەجايدىڭ، جاڭا كارىز جۇيەسىنىڭ سالىنۋى ەلوردانىڭ دامۋىنا اسەرىن تيگىزگەن. كورمە وتكەن كەزىندە استاناعا 5 ميلليون ادام كەلىپ، 47 مەيرامحانا، 36 وتەل اشىلعان.

«سوڭعى 10 جىلدا قالا تۇرعىندارىنىڭ سانى 400 مىڭعا وسكەن. سالىستىرىپ كورسەك، حالىقتىڭ وسىنشا سانى پاۆلوداردىڭ نەمەسە وسكەمەننىڭ تۇرعىندارىمەن بىردەي. وسىنىڭ ءبارى دە بىزگە دامۋدىڭ داڭعىل جولىن تابۋدى تالاپ ەتەدى»، - دەدى قالا اكىمى.

اۆتور: ايان بەكەن ۇلى

سوڭعى جاڭالىقتار