قازاقستان 10 مەملەكەتكە ماقتا تالشىعىن ەكسپورتتايدى
«قازاقستاندا 1991 - جىلى جەكە، ياعني وتاندىق ماقتا تالشىعى جوق بولاتىن. قازىرگى ۋاقىتتا ماقتا تالشىعىنىڭ 10 ءتۇرىن (سورتىن) جاساپ شىعاردىق. ونىڭ بەسەۋى مەملەكەتتىك سىناقتان ءوتتى»، - دەيدى ۇلتتىق اگرارلىق عىلىمي- ءبىلىم بەرۋ ورتالىعىنىڭ ءتوراعاسى.
اسقار نامەتوۆتىڭ ايتۋىنشا، ەلىمىزدە قازىرگى ۋاقىتتا تازارتىلماعان ماقتانىڭ ونىمدىلىگى - 22-23 ت س/گ ا. ال وتاندىق جاڭا ماقتا تالشىعىنىڭ ءتۇسىمى 38-40 ت س/گ ا كورسەتكىشكە جەتەدى.
«الداعى ۋاقىتتا بۇل كورسەتكىشتى 30-40 پايىزعا ارتتىرۋ كوزدەلىپ وتىر. سونىمەن بىرگە، ماقتانىڭ ساپاسىن دا ارتتىرۋ جوسپارلانعان. بۇل باعىتتاعى جۇمىس ءوز كەزەگىندە ىشكى جانە سىرتقى نارىقتا تاۋاردىڭ باسەكەگە قابىلەتتىلىگىن ارتتىرادى»، - دەيدى اسقار نامەتوۆ.
بەلگىلى بولعانداي، قازىرگى تاڭدا قازاقستاندىق ماقتا تالشىعىنىڭ سورتى 10 ەلگە، اتاپ ايتقاندا رەسەي، بەلارۋس، گەرمانيا، لاتۆيا، مولدوۆا، ق ح ر، بەلگيا، يران، ۋكراينا، يتاليا جانە وڭتۇستىك كورەيا ەلدەرىنە ەكسپورتتالادى.
اۆتور: ايان بەكەن ۇلى
