كاسىپكەر قايرات قۇدايبەرگەن الماتىدا 10 كىتاپ سورەسىن ورناتۋعا ۋادە بەردى
«كوپ وقيتىن ادام ەڭ سۇيىكتى كىتابىم وسى دەپ ايتا المايتىن سەكىلدى. ماعان قازاق ادەبيەتىنىڭ كلاسسيكتەرىنىڭ تۋىندىلارى ۇنايدى. ەكىنشىدەن، بيزنەس تۋرالى جازىلعان كىتاپتاردى وقۋعا تىرىسامىن. بيزنەسكە قاتىسى بولماسا، قازىرگى جازۋشىلاردى شىنىمدى ايتسام كوپ وقىمايمىن»، - دەيدى قايرات قۇدايبەرگەن.
كاسىپكەر سونداي- اق، ءوزىنىڭ توپ-5 كىتاپتارىن اتادى. ول قۇمارتىپ وقيتىن تۋىندىلاردىڭ بەستىگىن تەودور درايزەردىڭ تريلوگياسى، ايزەكسون ۋولتەردىڭ «ستيۆ دجوبس»، اين رەندتىڭ «اتلانت قۇلاشىن جايادى»، روبەرت گريننىڭ «بيلىكتىڭ 48 زاڭى» مەن ولەگ تينكوۆتىڭ «قالاي بيزنەسمەن بولۋعا بولادى» تۋىندىلارى قۇرايدى ەكەن.
«جاستارعا بيزنەسپەن اينالىسىڭدار دەگىم كەلەدى. مۇمكىندىكتى پايدالانا وتىرىپ، الماتىعا ءدال وسىنداي «Bolashak Books» كىتاپ سورەسىنىڭ ونىن الماتىعا ورناتۋدى قولعا الامىن»، - دەپ ءتۇيدى قايرات قۇدايبەرگەن.
ەسكە سالا كەتسەك، استاناداعى «حان شاتىر» ساۋدا، ويىن- ساۋىق كەشەنىندە «Bolashak Books» جوباسىنىڭ تۇساكەسەرى ءوتتى. ۇيىمداستىرۋشىلار وسىنداي تىڭ مازمۇنداعى جوبامەن ەلىمىزدە كىتاپ وقۋ مادەنيەتىن دامىتۋدى كوزدەپ وتىر. دەمەك، كەز كەلگەن قالاداعى تۇرعىندار ساۋدا ورتالىقتارىنداعى «Bolashak Books» شكافتارىنان وزىنە ۇناعان كىتاپتاردى الا الادى.
اۆتور: ايان بەكەن ۇلى 
