الماتىدا سپورتتىق اكروباتيكادان 10- ازيا چەمپيوناتى باستالدى - فوتو

استانا. قازاقپارات - 17- قىركۇيەك كۇنى الماتىداعى «9№ مامانداندىرىلعان بالالار- جاس وسپىرىمدەر وليمپيادالىق رەزەرۆى مەكتەبىندە» اكروباتيكادان X ازيا چەمپيوناتى باستالدى، دەپ حابارلايدى قازاقپارات.
None
None

چەمپيونات ءۇش جاس ساناتى بويىنشا وتەدى: ەرەسەكتەر، 11-16 جاس ارالىعىنداعى جەتكىنشەكتەر جانە 12-18 جاس ارالىعىنداعى جاستار. بايراقتى باسەكەگە قازاقستان، وزبەكستان، تاجىكستان، قىتاي، ءۇندىستان، يران، سولتۇستىك كورەيا جانە گونكونگ ەلدەرىنەن قاتىسىپ وتىرعان 144 سپورتشى ءۇش كۇن بويى باق سىنايتىن بولادى.



«ءبىز چەمپيوناتتى حالىقارالىق ەرەجەلەرگە سايكەس وتكىزەمىز. ال جەڭىمپازدار مەن جۇلدەگەرلەر جالپى ناتيجەلەر بويىنشا انىقتالاتىن بولادى. ياعني، ەكى كۇن ەركىن باعدارلاما، ال ءۇشىنشى كۇن - كۆاليفيكاتسيا. وسىنداي ايتۋلى دودانىڭ الماتىدا ءوتىپ جاتقانىنا اسا قۋانىشتىمىز. ءبىز ءۇشىن بۇل ۇلكەن جەتىستىك پەن جاۋاپكەرشىلىك. الماتى حالىقارالىق دارەجەدەگى جارىستاردىڭ ورتالىعىنا اينالادى دەگەن سەنىمدەمىز»، - دەپ اتاپ ءوتتى ازيا قۇرلىعىنىڭ سپورتتىق اكروباتيكادان تەحنيكالىق كوميتەتىنىڭ پرەزيدەنتى ايگۇل دۇكەنبايەۆا.



جارىس دەنە شىنىقتىرۋ جانە سپورت كوميتەتى، قازاقستاننىڭ مادەنيەت جانە سپورت مينيسترلىگى، الماتى قالاسى اكىمدىگى، «قازاقستاننىڭ گيمناستيكا فەدەراتسياسى» جانە «الماتى قالاسى گيمناستيكا فەدەراتسيسى» قاۋىمداستىقتارىنىڭ قولداۋىمەن وتۋدە.










سوڭعى جاڭالىقتار