قازاقستان ۆيتسە ارۋى ت م د ەلدەرىنىڭ ەڭ سۇلۋ 10 ارۋىنىڭ ءبىرى اتاندى
«قازاقستان ۆيتسە ارۋى»، «2016-جىلعى استانا ارۋى» ەلناز نۇرسەيىتوۆا «ت م د ەلدەرى ارۋى» بايقاۋىندا توپ جارىپ، العاشقى 10 دىققا كىردى.
سونداي-اق، قازاقستاندىق ارۋ ت م د ەلدەرىنىڭ فوتومودەلى اتاعىن جەڭىپ الدى.
سۇلۋلىق بايقاۋى ەريەۆاندا وتكەن. قازاقستاندىق ارۋ ءوزىنىڭ ينستاگرامداعى اككاۋنتىندا بايقاۋ بارىسىنداعى قىزىقتى وقيعالارىمەن ءبولىسىپ وتىردى.
«ۇلتتىق كيىم كيىپ شىققاندا قاتىسۋشى قىزداردىڭ ءبىرى شىقپاي قالدى. سول سەبەپتى ارتىمىزداعى تۋىمىز شاتاسىپ كەتتى»، - دەدى ە. نۇرسەيىتوۆا.
ايتا كەتۋ كەرەك، ەريەۆاندا وتكەن بايقاۋدىڭ فينالىندا 23 قىز باق سىناستى. قازىلار القاسىندا ارمەنيادان 3، قالعان ەلدەردەن 4 ادامنان قازىلىق ەتتى. ەكى اپتاعا جالعاسقان بايقاۋدا ارۋلار تەك قانا سىرتقى كەلبەتىن عانا كورسەتپەي، ىشكى جان دۇنيەسىن دە پاش ەتتى. ناتيجەسىندە ارميان ارۋى شۋشان ەريتسيان ت م د ەڭ سۇلۋ ارۋى اتاندى.
