اقىلدى ءارى شىنايى ادامداردىڭ 10 بەلگىسى

استانا. قازاقپارات -   اينالاڭداعى ادامداردىڭ ايتقانىنا قاراماستان شىنايى بولا ءبىلۋ باتىرلىق. شىنايىلىق دەگەن - كەز كەلگەن ورتادا ەشبىر وبرازعا كىرمەي- اق ءوز قالپىڭىزدى ساقتاي ءبىلۋ جانە ءوز- وزىڭىزگە كوڭىلىڭىزدىڭ تولۋى.

مۇنداي ادامداردى كوپتىڭ اراسىنان دا اجىراتۋعا بولادى. سەبەبى اقىلدى ءارى شىنايى ادامدارعا ءتان 10 بەلگى بار:

1. ءوز- ءوزىن تانۋى

ولار وزدەرىنىڭ كىم ەكەندەرىن جانە نە ءۇشىن ءومىر سۇرەتىندىكتەرىن جاقسى بىلەدى. بوس ۋاقىتىن وسىنداي ويلاردى ساراپقا سالۋمەن وتكىزەدى. ءوزى مەن وزگەلەردىڭ بولمىسىن تۇسىنۋگە تىرىسادى. ءوز قاتەلىكتەرىنەن قورىتىندى شىعارادى. ءبىراق ولارعا قاتىپ قالمايدى. سول قاتەلىگىن بولاشاقتا تاجىريبە رەتىندە پايدالانادى.

2. ولار باسقالاردى ءسوز ەتپەيدى

ۇنەمى وزىنە جانە ءوز قاتەلىكتەرىنە وي جۇگىرتۋمەن جۇرەتىندىكتەن باسقا ادامداردى تالقىلاۋعا ۋاقىتتارى دا بولمايدى. جانە باسقالاردىڭ دا ءدال وزدەرى سياقتى قاتەلەسەتىنىن، ەشكىمنىڭ پەرىشتە ەمەستىگىن، ومىردە ءبارى بولۋى مۇمكىن ەكەنىن جاقسى تۇسىنەدى.

3. ولار بۇگىنگى كۇنمەن ءومىر سۇرەدى

ولار وتكەنىنە وپىنىپ، ءبىر ورىندا توقتاپ قالمايدى. وتكەننىڭ وكىنىشىمەن، بولاشاقتىڭ بۇلدىر قيالىن ويلاپ اۋرەگە تۇسپەيدى. بۇگىنگى كۇنمەن ءومىر سۇرەدى. وزىنە بەرىلگەن ومىردەن ۇلەستى مولىراق الۋعا تىرىسادى.

4. ولار ويلى

 بۇگىنگى كۇنمەن ءومىر ءسۇرۋدى بىلسە دە، بولاشاعىن استە ەستەن شىعارمايدى. قىسقا مەرزىمدى پايدا ەمەس، ۇزاق مەرزىمدى ماقساتتار قويىپ، ۇلكەن جوسپارلار قۇرادى. الداپ- ارباۋ، وتىرىك ايتۋ، ۇرلىق جاساۋ ولارعا جات. ولار قارادۇرسىن كوپشىلىككە ەرمەيدى. اقىلعا قونىمدى ماقساتتى اقىلعا قونىمدى مەرزىمگە جوسپارلايدى.  

5. ولار مىنەزدى

ولاردىڭ جىلدام اقشا تابا بىلەتىن قاسيەتى ەمەس، مىنەزى مەن ارى ءبىرىنشى ورىندا تۇرادى. ولار تەك ايتقانىن جاسايدى. بەرگەن ۋادەسىن ۋاقىتىندا ورىندايدى. ولار سەنىمدى ءارى ادال. ءوز ءىسى مەن سوزىنە جاۋاپتى.

6. ولار تىڭداي بىلەدى

ەگەر ولار سىزبەن اڭگىمەلەسسە ءسىزدى تىڭداۋعا دايىن دەگەن ءسوز. ايتپەسە بۇعان ۋاقىت جوعالتپاس ەدى. ولار ءسىزدىڭ ايتقانىڭىزدان قورىتىندى شىعارا الادى. اڭگىمەڭىزدىڭ اۋانىنان ءبىراز جايدى باعامدايدى.

7. ولار جۇيەلى جۇمىس ىستەيدى

وزدەرىنە نە قاجەت ەكەنىن جاقسى بىلەتىندىكتەن ارزان دابىراعا جۇگىرمەيدى. الدىنا قويعان ماقساتىنا جوسپارلى تۇردە قادام جاسايدى. قاسىنا سەرىك ەتۋگە قانداي ادامدار قاجەت ەكەنىن دە ەستەن شىعارمايدى.

8. ولار ادال

ولار ەڭ الدىمەن ءوز- وزدەرىنە ادال. وزىنە ادال ادام وزگەگە دە ادال كەلەدى. باردى بار، جوقتى جوق دەپ ايتۋعا داعدىلانعان. ءوز- ءوزىن الداۋدان، ءوز سوزىنە وزگەلەردى سەندىرۋدەن اۋلاق.

9. ولار ءوز- ءوزىن سىيلايدى

ءوز- وزىنە ادال بولعاندىقتان ءوز مىنەزدەرىن دە، وزدەرىن دە سىيلاي بىلەدى، سىيلاتا الادى. جاساعان ءار ىسىنەن وزىنە دەگەن قۇرمەت ءبىلىنىپ تۇرادى. جاۋاپكەرشىلىكتى اقشادان دا جوعارى قويادى.

10. ولار باتىل

ولاردىڭ ءوز- وزىمەن بولا الادى. ەشكىمگە سوقتىقپاي، ەشكىمنىڭ مازاسىن الماي، جالعىزدىقتا دا ۋاقىتىن وتكىزە الادى. ولار قوعامدىق پىكىرگە بوي بەرمەيدى. كەرىسىنشە، وزدەرىنىڭ ىشكى داۋىسىن باسشىلىققا الىپ، سوعان قارسى جۇرەدى. ەشكىمگە ۇقساماي، ەشكىمنىڭ ايتقانىنا ەرمەي ءوز بەتىنشە ارەكەت ەتە الادى.

دەرەككوز: كلۋبەر