ق ر پرەزيدەنتى: 10 جىلدا قازاقستان ەكونوميكالىق ءوسىم بويىنشا كوشباسشىلاردىڭ قاتارىنا ەنەدى

استانا. قازاقپارات - الداعى 10 جىلدا قازاقستان ەكونوميكالىق ءوسىم بويىنشا كوشباسشىلاردىڭ قاتارىندا بولادى. بۇل تۋرالى بۇگىن ەلوردادا ءوتىپ جاتقان قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا ەلباسى ن. ءا. نازاربايەۆ ءمالىم ەتتى،

 دەپ حابارلايدى قازاقپارات.

« ساراپشىلار بولجامى بويىنشا قازاقستان الداعى 10-20 جىلدا ەكونوميكا ءوسىمى تۇرعىسىندا كوشباسشىسى ەلدەر قاتارىنا ەنەتىن بولادى. قازاقستاندىق ەكونوميكالىق تاڭعاجايىپتىڭ نەگىزى ايتارلىقتاي تەرەڭدە جاتىر. بىرىنشىدەن، ەلدە مەنشىك يەلەرى مەن كاسىپكەرلەردىڭ ءوسىپ كەلە جاتقان جاڭا ساناتى تابىستى جۇمىس ىستەۋدە. ەلىمىزدە 1 ميلليون 300 مىڭعا جۋىق كاسىپكەرلىك قۇرىلىمدار بار. ولار ۇلتتىق بايلىقتىڭ ۇشتەن ءبىر بولىگىن وندىرۋدە»، - دەدى پرەزيدەنت.

 مەملەكەت باسشىسى تاۋەلسىزدىك جىلدارىندا ەل ەكونوميكاسى 20 ەسەدەن استامعا وسكەنىن ەسكە سالىپ ءوتتى. 1999 -جىلدان باستاپ 2016 - جىل كەزەڭىندە دە ءبىزدىڭ ەكونوميكا جىل سايىن ۇزدىكسىز ءوسىپ كەلەدى. 25 جىلدىڭ ىشىندەگى 17 جىلدا ءاربىر جىلدا تۇراقتى ءوسىم بار.

اۆتور: رۋسلان عابباسوۆ