ۇكىمەت 10 جىلدان كەيىن قازاقستاندىقتاردىڭ ءومىرىن قالاي جاقسارتپاق
«10 جىلدىڭ ىشىندە ءاربىر ازامات ءوز ءومىرىنىڭ جاقسارعانىن، الەۋمەتتىك كوڭىل- كۇيىنىڭ ارتقانىن سەزىنۋى ءتيىس. ول ۇكىمەت ازىرلەگەن باعدارلامالاردى جۇزەگە اسىرۋدىڭ ناتيجەسىن ناقتى ءارى تۇسىنىكتى الۋى قاجەت»، - دەدى ول قازاقستان تاۋەلسىزدىگىنىڭ 25 جىلدىعىنا وراي ساراپشىلارمەن وتكەن كەزدەسۋدە.
ونىڭ سوزىنە قاراعاندا، اتالعان جوسپاردا 7 جەتىستىككە قول جەتكىزۋ كوزدەلىپ وتىر. ءبىرىنشىسى - حالىقتىڭ جان باسىنا شاققانداعى ءى ج ءو كولەمىن 35 مىڭ دوللارعا جەتكىزۋ. ەكىنشىسى - ءومىر ءسۇرۋ ۇزاقتىعىن قازىرگى 72 دەن 75 جاسقا دەيىن ارتتىرۋ. ءۇشىنشىسى - بارلىق قالالاردى 100 پايىز، ال اۋىلداردى 80 پايىزعا ورتالىقتاندىرىعان سۋمەن جابدىقتاۋ جۇيەسىمەن قامتۋ. ءتورتىنشىسى - تالاپ ەتىلەتىن بىلىمگە قولجەتىمدىلىكتى قامتاماسىز ەتۋ. ياعني، 2025 -جىلعا دەيىن 3-6 جاستاعى بۇلدىرشىندەردىڭ 100 پايىز مەكتەپكە دەيىنگى بىلىممەن قامتىلۋىنا جاعداي جاساۋ.
«بەسىنشىسى - «نۇرلى جەر» باعدارلاماسى ارقىلى قولجەمتىمدى باسپانامەن قامتاماسىز ەتۋ. ءبىزدىڭ مىندەتىمىز 10 جىلدا 100 ميلليون شارشى مەتر تۇرعىن ءۇيدى پايدالانۋعا بەرۋ بولىپ وتىر. ءبىز جىل سايىن 10 ميلليون شارشى مەتر تۇرعىن ءۇي پايدالانۋعا بەرۋگە ءتيىسپىز جانە وسى باعدارلامانىڭ ارقاسىندا ميلليوننان استام وتباسى ءوزىنىڭ باسپاناسىن جاقسارتۋعا قول جەتكىزەدى»، - دەدى بيشىمبايەۆ.
ونىڭ ايتۋىنشا، التىنشىدان 500 مىڭ جاڭا كاسىپورىننىڭ پايدا بولۋىنا بارلىق جاعداي جاسالاتىن بولادى. «جەتىنشىسى بارلىق مەملەكەتتىك قىزمەتتەردى ەلەكتروندى فورماتقا اۋىستىرۋ. زاماناۋي ساندىق تەحنولوگيالار قىزمەتتەردى بارىنشا ءتيىمدى ءارى ساپالى بەرۋگە مۇمكىندىك جاسايدى جانە ادامدار بيۋروكراتيامەن سيرەك بەتپە-بەت كەلەتىن بولادى»، - دەيدى مينيستر.
