ءوز كۇتىمىنە سالعىرت قارايتىن ايەلدەردى اڭعارۋدىڭ 10 بەلگىسى

استانا. قازاقپارات - ايەلدەردىڭ بارلىعى دەرلىك ۇنەمى ادەمى بولىپ جۇرۋگە تىرىسادى. دەگەنمەن، ولاردىڭ كوپشىلىگى ۇساق- تۇيەك دەپ قارايتىن زاتتار، بارلىق ارەكەتىن بىردەن جوققا شىعاراتىن كەزدەر بولادى.

ءتىپتى تانىمال جۇلدىزداردىڭ ءوزى قىمبات كويلەكتەر كيىپ، باعالى تاستاردى تاعىنعانىمەن وسىنداي قاتەلىكتەردىڭ كەسىرىنەن جۇرتتىڭ تالقىسىنا ءتۇسىپ جاتادى. ال ءسىز مۇنداي قاتەلىككە بوي الدىرماڭىز. كەرىسىنشە قاراپايىم كيىمدە ادەمى كورىنۋگە بولاتىنىن ۇمىتپاڭىز.

1. شاشىڭىزدىڭ تۇبىنەن تابيعي ءتۇسىڭىز كورىنىپ جۇرمەسىن

باسىڭىز كىر بولىپ، شاشىڭىز جابىسقاقتانىپ جاتسا بۇل ماسەلەنى قۇرعاق سۋسابىننىڭ ارقاسىندا شەشۋگە بولادى. ال ۇشى باسقا تۇستە، استىنان تابيعي رەڭى كورىنىپ تۇرعان شاشتى جاسىرۋ مۇمكىن ەمەس. ال بۇل شاش كۇتىمىنە نەمقۇرايلى قارايتىن ايەلدىڭ ادەتى دەپ ەسەپتەلىنەدى. ەگەر شاشىڭىزدى تابيعي تۇسىڭىزگە مۇلدە ۇقسامايتىن بوياۋعا بوياساڭىز، جاڭادان وسكەن شاشىڭىزدى اپتاسىنا قاداعالاپ تۇرىڭىز.

2. شاشىڭىز ۇشتانىپ كەتپەسىن

ءسىز بارىڭىزدى سالىپ شاشىڭىزدى وسىرۋگە كۇش سالعانىڭىزبەن، ۇشى ۇشتانىپ تۇرسا جاعىمسىز كورىنەدى. سىرتتان قاراعان ادامعا شاشىڭىز كەۋىپ، كۇتىمگە ءزارۋ سياقتى بولادى. ايەل ۇنەمى ادەمى كورىنۋ ءۇشىن بۇل كەزدە شاشىڭىزدىڭ ۇشىن ازداپ كەسكەنىڭىز دۇرىس بولادى.

3. بوياۋى جارتىلاي قالعان تىرناق

ءوز كۇتىمىن ءبىرىنشى ورىنعا قوياتىن ايەلدىڭ بەلگىسى: الاباجاق بويالعان تىرناقتان، ساۋساعىڭىز لاكسىز ادەمى كورىنەدى. اسىرەسە كوزگە بىردەن تۇسەتىن لاك جاققان كەزدە، ونىڭ جارتىسى ءتۇسىپ قالعانى بىردەن بايقالادى. جاڭادان مانيكيۋر جاساۋعا مۇلدە ۋاقىتىڭىز بولماي جاتسا، بوياۋدى وشىرە سالعانىڭىز دۇرىس.

4.تىرناق اينالاسىنداعى ارتىق ەتتەر

كوپشىلىك مۇنى ۇساق- تۇيەك دەپ قارايتىن بولار. ءبىراق، كوپشىلىك ءسىزدىڭ ءوز- وزىڭىزگە قانشالىقتى كۇتىم جاسايتىنىڭىزدى وسىدان دا بىلەدى. تۋرا وسى جاعداي ءسىزدىڭ قىمبات كويلەگىڭىز بەن باعالى تاستاردان جاسالعان تاعىنشاقتارعا جۇمساعان بار ۋاقىتىڭىز بەن، قارجىڭىزدى، ارەكەتىڭىزدى جوققا شىعارادى. سول ءۇشىن قول كۇتىمىنە ۋاقىت بولۋگە تىرىسقانىڭىز ابزال.

5.بەت كۇتىمى

ارينە، بەزەۋ مەن بورتپە شىققان بەتكە يەسى كۇتىم جاسامايدى دەپ ايتا المايمىز. ول كەيدە قانداي دا ءبىر اۋرۋدىڭ، ىشكى اعزاداعى اقاۋدىڭ بەلگىسى بولۋى مۇمكىن. ءبىراق، وعان قاتىستى ناۋقاس ەكەنمىن دەپ قاراپ وتىرا بەرۋگە بولمايدى. ىزدەنىپ ارەكەتتەنۋ كەرەك. سەبەبى، كۇتىم جاسالعان تازا بەت ءاردايىم ايەلدىڭ ادەمىلىگىن ارتتىرا تۇسەتىنى ءسوزسىز. بەت تەرىڭىز وتە اسەرشىل بولسا كوسمەتولوگتىڭ كومەگىنە جۇگىنىپ، تۇتىناتىن تاعامداردى قاداعالاۋعا الىڭىز.

6. سارعايعان ءتىس

بۇل تۋرالى بىرەۋدىڭ بەتىڭىزگە ايتپاسى انىق. دەگەنمەن، سارعايعان ءتىس ەشقاشان ادەمى كورىنبەيدى. ەسىڭىزدە بولسىن، كوفە، شاي، تەمەكى ءتىستىڭ جاۋى. ەگەردە زياندى زاتتاردان باس تارتا المايتىن بولساڭىز، ۇنەمى اعارتىپ تۇرۋىڭىزعا تۋرا كەلەدى.

7. بەتتەگى بوياۋ

ارينە، بارلىق ايەل جۇمىس پەن ءوز كۇتىمىن قاتار الىپ جۇرۋگە تىرىسادى. ەرتەڭگىسىن جاققان بوياۋىڭىز تۇتە- اق ەسكىرىپ، ءسىزدى قايتا شارشاڭقى ەتىپ كورسەتۋى مۇمكىن. سوندىقتان بوياۋىڭىز جاعىلىپ، اعىپ، ەسكىرىپ باراجاتسا بار جۇمىستى قويىپ، رەتتەپ الىڭىز. ەڭ قاجەتتى بوياۋلاردى وزىڭىزبەن الىپ ءجۇرىڭىز.

8. قۇرعاق تەرى

بەت تەرىسىن ۇنەمى ىلعالداندىرىپ تۇرعان دۇرىس. ىلعالداندىرۋ بەتتىڭ جاس كورىنۋىن ساقتايدى ءارى كۇتىم جاسالعانىن كورسەتىپ تۇرادى. مۇنىمەن قاتار سول ساتتە ادەمىلەنە شىعاسىز. ەڭ قۇرىعاندا كەشكى ۋاقىتتاردا ءۇي جاعدايىندا ماسكالار جاساپ تۇرىڭىز.

9. تەرىلمەگەن قاس

قازىر تابيعي قاس ساندە. بۇل دەگەنىڭىز قاستى قالاعانىنشا قويابەرۋ دەگەن ءسوز ەمەس. تابيعي فورمانىڭ وزىنە ازداپ تۇزەتۋلەر جاساپ تۇرعان دۇرىس. بەتىڭىزدى بوياعان كەزدە قاسىڭىزعا گەل جاعىڭىز. ول قاس تۇكتەرىن ءوزىڭىز قاتىرعانداي ەتىپ ۇستاپ تۇرادى. ءارى جىلتىراپ كورىنەدى.

10. ەرىننىڭ جارىلۋى

ءار ايەلدىڭ سومكەسىندە ەرىنگە ارنالعان بالزام بولۋى كەرەك. كوپتەگەن قىزداردىڭ ەرنى كەۋىپ جۇرەدى. ەرىن تەرىسى ۇلبىرەپ، ءارى بالعىن كورىنۋىن قاداعالاۋىڭىزدا ۇستاڭىز. ەرىننىڭ وزىنە ءۇي جاعدايىندا جاسالاتىن ءتۇرلى ماسكالار مەن جاقپا مايلار، سكرابتار بار.