قازاقستاندىق زىلتەمىرشىلەرگە قاتىستى دوپينگ داۋى 10- شىلدەدە شەشىلەدى
بۇل تۋرالى بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
«دوپينگ تىزىمىنە قاتىسى بار ءبىزدىڭ سپورتشىلاردىڭ ريو دە-جانەيروعا قاتىسۋى، ارينە، وتە قيىن. ولار قازىرگى ۋاقىتتا وتە جاقسى فورمادا»، - دەپ اتاپ وتكەن مينيستر بۇل سپورتشىلارىمىزدىڭ الداعى توكيو وليمپياداسىنا عانا قاتىسۋلارى مۇمكىن ەكەندىگىن جاسىرمادى.
«ال ريو دە-جانەيروعا قاتىسا المايدى. ولار قازىرگى ۋاقىتتا قاتىسۋدان شەتتەتىلگەن. ءيا، ءبىز قازىر مەملەكەت باسشىسىنا بۇل سالا توڭىرەگىندەگى جاعدايدى باياندادىق. مەملەكەت باسشىسى دوپينگكە قارسى پروبلەماعا قاتاڭ قاراۋىمىز ءۇشىن ناقتى تاپسىرمالار بەردى. ءبىرىنشى كەزەكتە ءبىز ءوزىمىزدىڭ دوپينگكە قارسى زەرتحانامىزدى كۇشەيتۋىمىز كەرەك»، - دەدى ول.
سونىمەن قاتار مينيستر حالىقارالىق وليمپيادالىق كوميتەتتىڭ تارتىپتىك كوميسسياسى وتىرىسى ءالى اياقتالماعاندىعىن ەسكە سالىپ ءوتتى.
«قورىتىندى وتىرىسى 10- شىلدەدە بولادى. ارينە، ءبىز ناتيجەسىن كۇتەمىز. ءبىزدىڭ زاڭگەرلەر بەلسەندى جۇمىس ىستەۋدە. ءبىز قازاقستان بويىنشا، ءبىزدىڭ ءاربىر سپورتشىمىز بويىنشا وڭ ناتيجەنى اسىعا كۇتەمىز»، - دەدى ا. مۇحامەدي ۇلى.
اۆتور: مارلان جيەمباي